तेहरान (इरान) । इरानका सुधारवादी उम्मेद्वार मसूद पेजेस्कियनले शनिबार अल्ट्रा कन्जरभेटिभ सईद जलिलीको विरूद्ध दोस्रो चरणको राष्ट्रपतीय चुनावमा जित हासिल गरेका छन्।
पेजेस्कियनले एक करोड ६० लाखभन्दा बढी र जलिलीले एक करोड तीन लाखभन्दा बढी मत प्राप्त गरेको निर्वाचन कार्यालयका प्रवक्ता मोहसेन एस्लामीले बताएका छन् । उनका अनुसार निर्वाचनमा ४९.८ प्रतिशत मतदान भएको थियो भने ६ लाख बढी मत रद्द भएको जनाइएको छ।
जितपछि विजयी पेजेस्कियनले आफ्ना समर्थक तथा मतदाताहरूलाई धन्यवाद दिँदै सबैलाई मित्रताको हात दिने र सबै यस देशका जनता भएकाले देशको प्रगतिको लागि प्रयोग गर्नपर्ने सरकारी टेलिभिजनमार्फत उल्लेख गरे।
हेलिकप्टर दुर्घटनामा राष्ट्रपति इब्राहिम रायसीको मृत्यु पछि गत हप्ता गरिएको चुनावको पहिलो चरणको चुनावमा स्पष्ट नतिजा नआए पछि सर्वोच्च नेता आयातोल्लाह अली खामेनेइले दोस्रो चरणको मतदान आह्वान गरेका थिए ।
पहिलो चरणमा पेजेस्कियन सुधारवादीहरूले सबैभन्दा धेरै (४२ प्रतिशत) मत प्राप्त गरी विजय प्राप्त गरेका थिए भने जलिली लगभग ३९ प्रतिशतको साथ दोस्रो स्थानमा आएको इरानको चुनाव प्राधिकरणको तथ्याङ्कले देखाएको छ ।
इरानको छ करोड १० लाख योग्य मतदातामध्ये ४० प्रतिशतले मात्र पहिलो चरणमा भाग लिएका थिए । सन् १९७९ को इस्लामिक क्रान्तिपछि भएको कुनै पनि राष्ट्रपतीय निर्वाचनमा यो सबैभन्दा कम मतदान हो ।
हालैसम्म अज्ञात रहेका सापेक्ष पेजेस्कियनको उम्मेद्वारीले रूढीवादी र अति रूढीवादी गुटहरूको वर्षौं देखिको प्रभुत्व खोसिनेमा सुधारवादीहरूको आशा बढाएको छ ।
इरानको मुख्य सुधारवादी गठबन्धनले पेजेस्कियनलाई समर्थन गरेको थियो भने पूर्वराष्ट्रपति मोहम्मद खातमी र हसन रुहानीले पनि समर्थन गरेका थिए । मुटुका शल्यचिकित्सक पेजेस्कियनले 'इरानलाई अलगावबाट बाहिर निकाल्न' आणविक सम्झौतालाई पुनःजीवित गर्न पश्चिमी देशहरूसँग 'रचनात्मक सम्बन्ध'का लागि आह्वान गरेका छन् । जलिली इरानका पूर्वआणविक वार्ताकार भएकाले उनि असम्वद्ध पश्चिम विरोधी दृष्टिकोणका लागि चिनिन्छ ।
शुक्रबारको रनअफ अघि, पेजेस्कियन र जलिलीले दुई टेलिभिजन बहसमा भाग लिँदा कम मतदान, साथै इरानको आर्थिक समस्या, अन्तर्राष्ट्रिय सम्बन्ध र इन्टरनेट प्रतिबन्धहरूबारे छलफल गरेका थिए ।
पेजेस्कियनले इन्टरनेट प्रतिबन्धहरू कम गर्ने र महिलाका लागि अनिवार्य हेडस्कार्फ लागू गर्ने प्रहरी गस्तीलाई 'पूर्ण रूपमा' विरोध गर्ने वाचा गरेका छन् । सन् २०२२ मा प्रहरी हिरासतमा महसा अमिनीको मृत्यु भएपछिको उच्च–प्रोफाइल मुद्दा बनेको थियो ।
इरानी कुर्दलाई ड्रेस कोड उल्लङ्घनको आरोपमा हिरासतमा लिइएको थियो भने उहाँको मृत्युले महिनाौँको देशव्यापी अशान्ति निम्त्याएको थियो ।(रासस/एएफपी)
