काठमाडौं । नेपाल स्टक एक्सचेञ्ज (नेप्से)को प्रमुख कार्यकारी अधिकृत (सीईओ) पदमा नारदकुमार लुइँटेल नियुक्त भएका छन् ।
सोमवार बसेको मन्त्रिपरिषद् बैठकले लुइँटेललाई उक्त पदमा नियुक्त गर्ने निर्णय गरेको हो ।
उक्त पदका लागि १० जनाको आवेदन परेको थियो, जसमा छनोट समितिले लुइँटेलसहित चूडामणि चापागाईं, पूर्णप्रसाद आचार्य, बद्रीप्रसाद प्याकुरेल र हेमन्त बस्याललाई ‘सर्टलिस्ट’ गरेको थियो ।
तीमध्ये लुइँटेलसहित तीन जनाको नाम मन्त्रिपरिषदमा सिफारिस गरिएको थियो ।
