काठमाडौं। मोबाइल ब्राण्ड रियलमीका दुई स्मार्टफोन रियलमी नार्जो ७०प्रो फाइभजी र रियलमी १२ एक्स फाइभजी नेपालमा सार्वजनिक गरिएको छ । अत्याधुनिक प्रविधि, नवीन सुविधा र स्टाइलिस डिजाइनले युवा प्रयोगकर्ता माझ यी स्मार्टफोनले फरक अनुभवको प्रत्याभूति दिने कम्पनीको अपेक्षा छ । एयर जेस्चर कन्ट्रोल, सोनी आईएमएक्स ८९० क्यामेरा फ्ल्यागशिप नाइट फोटोग्राफी चिपसेट र भिसि कुलिङ सिस्टमले जेनजी प्रयोगकर्तालाई आकर्षित गर्ने विश्वास कम्पनीको छ ।

रियलमी नेपालका कन्ट्री हेड मुनिष गिरीले रियलमीका यी फोनले सुपथ मूल्यमै ग्राहकको पहुँच सुनिश्चित गर्ने कम्पनीको प्रतिबद्धतालाई मूर्त रूप दिने बताए । रियलमी नार्जो ७०प्रो फाइभजीको बजार मूल्य रू. ३३ हजार ९९९ रहेको छ भने रियलमी १२ एक्स फाइभजीको मूल्य रू. २४ हजार ९९९ रहेको छ । यी दुवै फोन नेपालका सम्पूर्ण आधिकारिक रियलमी विक्रेतामार्फत उपलब्ध हुने बताइएको छ ।