काठमाडौं । सोमवार नेपाल स्टक एक्सचेन्ज नेप्सेमा तीन कम्पनीको कुल ५६ लाख ६५ हजार १०७ दशमलव २९ कित्ता बोनस शेयर सूचीकृत भएको छ ।
शाइन रेसुङ्गा डेभलपमेन्ट बैंकको १४ लाख २० हजार १०७ दशमलव २९ कित्ता,सर्वोत्तम सिमेन्टको ३२ लाख ५५ हजार र मेरो माइक्रो फाइनान्सको ९ लाख ९० हजार गरेर कुल ४५६ लाख ६५ हजार १०७ कित्ता बोनस शेयर सूचीकृत भएको हो ।
अव यो बोनस शेयर सम्बन्धीत शेयरधनीको हितग्राही खातामा आएपछि कारोबार गर्न पाउनेछन् ।
मेरो माइक्रो फाइनान्सले पुस ४ गते सम्पन्न वार्षिक साधारण सभाबाट पारित ७ दशमलव ५ प्रतिशत बोनस शेयर सूचीकृत गराएको हो । सो सभाले शून्य दशमलव ३९४७ प्रतिशत नगद लाभांश कर प्रयोजनको लागि वितरण गर्ने प्रस्ताव पारित गरेको थियो ।
शाइन रेसुङ्गाले पुस १९ गते सम्पन्न वार्षिक साधारण सभाबाट पारित ३ प्रतिशत बोनस शेयर सूचीकृत गराएको हो । सो सभाले ५ प्रतिशत नगद लाभांश कर सहित वितरण गर्ने प्रस्ताव पारित गरेको थियो ।
त्यस्तै सर्वोत्तम सिमेन्टले पुस २६ गते सम्पन्न वार्षिक साधारण सभाबाट पारित ७ प्रतिशत बोनस शेयर सूचीकृत गराएको हो । सो सभाले ३ प्रतिशत नगद लाभांश कर सहित वितरण गर्ने प्रस्ताव पारित गरेको थियो ।
