आईसीटीसी समूह : व्यवसायको क्षेत्र विविधीकरण गर्दै

[caption id="attachment_256274" align="alignright" width="150"] दिनेशलाल श्रेष्ठ
कार्यकारी अध्यक्ष
आईसीटीसी समूह[/caption] एउटा सानो स्टेशनरी व्यवसायबाट आफ्नो व्यावसायिक यात्रा शुरू गरेको आईसीटीसी समूह नेपालको एक स्थापित समूह बन्न सफल भएको छ । यो समूहले अहिले विभिन्न क्षेत्रमा व्यवसायको विस्तार तथा विविधीकरण गरिरहेको छ । पछिल्लो समय समूह सेवामूलक उद्योग (होटल) र जलविद्युत् क्षेत्रलाई प्राथमिकतामा राखेर अघि बढिरहेको छ । व्यवसाय विस्तारका क्रममा यो समूहले विभिन्न अन्तरराष्ट्रिय कम्पनीहरूलाई विशेषज्ञ सेवा, इञ्जिनीयरिङ तथा निर्माण सेवा, जलविद्युत्, सूचना तथा सञ्चार प्रविधि, पेय पदार्थ तथा उपभोग्य वस्तु, पर्यटन सेवा, वित्त तथा बीमा र जग्गा तथा आवास क्षेत्रमा लगानी विस्तार गरेको समूहका संस्थापक तथा मानार्थ अध्यक्ष रामलाल श्रेष्ठले बताए । समूहले होटल तथा जलविद्युत् क्षेत्रमा लामो अनुभव हासिल गरिसकेको छ । समूहको प्रमुख व्यवसाय

होटलमा क्षमता तथा लगानी विस्तार तारागाउँ रिजेन्सी लिमिटेड (हायात होटल)ले होटलको क्षमता विस्तार गर्दै र नयाँ होटलमा समेत लगानी गर्ने भएको छ । पाँचतारे होटल सञ्चालन गरेको हायातले निकट भविष्यमै १ सय ५० कोठा थप्ने जानकारी दिएको छ । चिनियाँ पर्यटकलाई लक्षित गरी समूहले काठमाडौंमा चारतारे होटल सेवा सञ्चालनमा ल्याउने तयारी गरिरहेको हो । यसैगरी १ हजार कार अट्ने क्षमता भएको अन्तरराष्ट्रिय प्रदर्शनीस्थल निर्माणको योजना पनि रहेको छ । समूहका कार्यकारी अध्यक्ष दिनेशलाल श्रेष्ठका अनुसार काठमाडौंको बौद्धमै ठमेलको प्रतिकृति झल्किने तारागाउँ भिलेज निर्माण गर्न लागिएको छ । नेपाल सरकार र भारतीय कम्पनी जीएमआरसँगको सहकार्यमा माथिल्लो कर्णाली तथा नेपाल सरकार र चिनियाँ कम्पनी थ्री गर्जेजसँगको सहकार्यमा पश्चिम सेती जलविद्युत् परियोजनामा समेत यो समूहको सहभागिता छ ।

मदिरा व्यवसाय समूहले हाइल्याण्ड डिष्टिलरीमार्फत मदिरा तथा मदिराजन्य पदार्थको उत्पादनका साथै विक्रिवितरण गर्दै आएको छ । हाइल्याण्डले नेपाली बजारमा भर्जिन, च्यालेञ्जर, भ्यालेण्टाइन, भोगलगायत ब्राण्डमा मदिरा उत्पादन गर्छ । कम्पनीले आईएसओ २२००० प्रमाणपत्रसमेत प्राप्त गरेको छ । यो कम्पनीले सरकारलाई वार्षिक करीब साढे ४४ करोड रुपैयाँ विभिन्न करका रूपमा तिर्दै आएको छ । कम्पनीद्वारा उत्पादित भर्जिन अहिले नेपालमा सबैभन्दा बढी विक्री हुने ४०० यूपीको मदिरामा पर्छ ।