.jpg)
बैतडी । बैतडीका सबै ठाउँमा खानेपानीको हाहाकार छ । कुनै समय शिवनाथ गाउँपालिकामा पनि खोला नजिकबाहेक अरू सबै ठाउँमा खानेपानीको समस्या थियो ।
डाँडातिर बस्ने गाउँमा पानी टाढा–टाढाबाट बोक्नैपर्ने बाध्यता थियो । अहिले भने गाउँपालिकाले यो समस्या हटाइदिएपछि गाउँको मुहारै फेरिएको छ । अहिले गाउँपालिका र ग्रामीण जलस्रोत व्यवस्थापन परियोजनाको संयुक्त सहयोगमा बस्ती–बस्तीमा स्वच्छ खानेपानी पु¥याइदिएपछि यहाँका नागरिकलाई टाढाबाट पानी बोक्नुपर्ने बाध्यता हटेको छ ।
स्थानीयले घर नजिकैको धाराको खेर गएको पानीलाई जम्मा गरेर तरकारी उत्पादन गरी जीविकोपार्जनसमेत गरिरहेका छन् ।
अहिले शिवनाथका घरघरमा पानीका धारा पुगेपछि प्रत्येक परिवारले तरकारी खेती थालेका छन् ।
गाउँ–गाउँमा सबैले अहिले मौसमी र बेमौसमी तरकारी फलाएर बिक्री गरिरहेका छन् ।
गाउँपालिका र संस्थाले समय–समय तालिम दिएर तरकारी र फलफूल खेतीबारे जानकारी दिएपछि अहिले स्थानीय तरकारी र फलफूल खेतीमा आकर्षित बनेका छन् । पहिले पानीको समस्या थियो ।
सबै प्रतिक्रिया हेर्नुहोस
अहिलेसम्म कुनै प्रतिक्रिया छैन।