.jpg)
वैशाख १५, काठमाडौं । अपि पावर कम्पनीको हकप्रद शेयरमा आवेदन दिने अन्तिम दिन आज (बिहीवार) रहेको छ ।
कम्पनीले २०७८ चैत २५ गतेदेखि १ करोड ८ लाख ६० हजार कित्ता हकप्रद शेयर निष्कासन गरेको हो । शेयरधनीले बिहीवार बैंकिङ समयसम्म आवेदन दिन सक्नेछन् ।
कम्पनीले हकप्रद शेयर निष्कासन प्रयोजनको लागि २०७८ चैत १४ गते बुक क्लोज गरेको थियो । यस आधारमा चैत १३ गतेसम्म कायम शेयरधनीले हकप्रद शेयरमा आवेदन दिन सक्नेछन् ।
हाल कम्पनीको चुक्तापूँजी रू. २ अर्ब ७५ करोड रहेको छ । यो हकप्रद शेयर बाँडफाँट पश्चात उक्त पूँजी रू. ३ अर्ब ८४ करोड पुग्नेछ । धितोपत्र निष्कासन तथा विक्री प्रबन्धक मुक्तिनाथ क्यापिटल लिमिटेड रहेको छ । साथै आवेदकले मेरो शेयर सफ्टवेयरबाट आवेदन दिन सक्नेछन् ।
सबै प्रतिक्रिया हेर्नुहोस
अहिलेसम्म कुनै प्रतिक्रिया छैन।