काठमाडौं । नबिल म्युचुअल फण्डअन्तर्गत सञ्चालन हुने नबिल फ्लेक्सी क्याप फण्डले कात्तिक २३ गते अर्थात् बुधवारदेखि ५ करोड इकाई निष्कासन गर्ने भएको छ ।
फण्डले प्रतिइकाई रू. १० का दरले रू. ७ करोड ५० लाख इकाईमध्ये बीज पूँजीबापत १ करोड १२ लाख ५० हजार वा कुल निष्कासन गरिने इकाई संख्याको न्यूनतम १५ प्रतिशत इकाईमध्ये कोष प्रवर्द्धक नबिल बैंकलाई १४ प्रतिशत अर्थात् १ करोड ५ लाख छुट्याएको छ ।
त्यसैगरी योजना व्यवस्थापक नबिल इन्भेष्टमेण्ट बैंकिङ्ग लिमिटेडलाई १ प्रतिशत वा ७ लाख ५० हजार इकाई सुरक्षित राखी न्यूनतम ६ करोड ३७ लाख ५० हजार इकाईमध्ये पहिलो चरणमा ५ करोड इकाई सर्वसाधारणको लागि निष्कासन गर्न लागेको हो । इकाई निष्कासन बन्द मिति छिटोमा कात्तिक २७ गतेसम्म रहेको छ ।
सो समयावधिमा सम्पूर्ण इकाई विक्री नभएमा क्यापिटलले मंसिर ७ गतेसम्म आवेदन दिन पाउने जानकारी दिएको छ । आवेदकले न्यूनतम १०० इकाईदेखि अधिकतम ७५ लाख इकाई लागि आवेदन दिन सक्नेछन् ।
आवेदकले उक्त इकाईमा योजना व्यवस्थापक नबिल इन्भेष्टमेण्ट बैंकिङ लिमिटेडसहित नेपाल धितोपत्र बोर्डबाट अनुमति प्राप्त सी-आस्बा सेवामा सहभागी बैंक तथा वित्तीय संस्थाहरू र तिनका शाखा कार्यालय तथा मेरो शेयर एपमार्फत आवेदन दिन सक्नेछन् ।
.jpg)
सबै प्रतिक्रिया हेर्नुहोस
अहिलेसम्म कुनै प्रतिक्रिया छैन।