काठमाडौं । सिटिजन्स म्युचुअल फण्ड अन्तर्गत सञ्चालित सिटिजन्स म्युचुअल फण्ड २ र १ ले चैत मसान्तसम्मको खुद सम्पत्ति मूल्य विवरण सार्वजनिक गरेका छन् । उक्त वित्तीय विवरण अनुसार यी दुबै फण्डको सूचीकृत शेयरमा लगानी फागुन मसान्तको तुलनामा चैत मसान्तमा केही घटेको छ ।
सिटिजन्स म्युचुअल फण्ड २ ले फागुन मसान्तसम्ममा सूचीकृत शेयरमा रू. ३८ करोड ४४ लाख लगानी गरेकोमा चैत मसान्तसम्ममा घटेर रू. ३७ करोड ७९ लाख कायम भएको हो । त्यस्तै सिटिजन्स म्युचुअल फण्ड १ ले फागुन मसान्तसम्ममा सूचीकृत शेयरमा रू. ४८ करोड ६७ लाख लगानी गरेकोमा चैत मसान्तमा रू. ४८ करोड ३८ लाख कायम भएको हो ।
यस फण्डको न्याभ भने फागुन महीनाको तुलनामा चैत महीनामा बढेको छ । फागुन मसान्तमा फण्डको न्याभ ९ रुपैया १८ पैसा रहेकोमा चैत मसान्तमा बढेर ९ रुपैया १९ पैसा कायम भएको हो ।
एनएभी सँगै फण्डको नाफामा पनि वृद्धि भएको छ । फागुन मसान्तसम्ममा फण्डले रू. ३४ लाख ८७ हजार नाफा कमाएकोमा चैत मसान्तमा बढेर रू. ४३ लाख १८ हजार पुगेको हो । चैत महीनामा फण्डको आम्दानीमा वृद्धि भएकाले नाफा बढ्न टेवा पुगेको हो ।
फागुन मसान्तसम्ममा फण्डले रू. १ करोड २७ लाख आम्दानी गरेकोमा चैत मसान्तसम्ममा बढेर रू. १ करोड ४८ लाख पुगेको हो ।
सिटीजन्स म्युचुअल फण्ड २ को न्याभ भने फागुन महीनाको तुलनामा चैत महीनामा घटेको छ । फागुन मसान्तसम्ममा फण्डको न्याभ ९ रुपैया ९२ पैसा रहेकोमा चैत मसान्तमा घटेर ९ रुपैया ८३ पैसा कायम भएको हो । त्यसैगरी यस फण्डको नोक्सानीमा पनि फागुन महीनाको तुलनामा चैत महीनामा बढेको छ । फागुन मसान्तसम्ममा फण्डले रू. ५६ हजार नोक्सानीमा रहेकोमा चैत मसान्तसम्ममा बढेर रू. ५६ लाख १५ हजार पुगेको छ । चैत महीनामा फण्डको आम्दानी घटेकाले नोक्सानी बढेको हो । फागुन मसान्तसम्ममा फण्डले रू. ६७ लाख ६० हजार आम्दानी गरेकोमा चैत मसान्तमा घटेर रू. २१ लाख १२ हजारमा सिमित भएको छ ।
.jpg)
सबै प्रतिक्रिया हेर्नुहोस
अहिलेसम्म कुनै प्रतिक्रिया छैन।