.jpg)
काठमाडौं । एक महीनामा नै बुलेट खुर्सानीको मूल्य ४३ प्रतिशतले घटेको छ । कालिमाटी तरकारी बजार विकास समितिका अनुसार खुर्सानी हरियो (बुलेट) को मूल्य प्रतिकिलोग्राम ४२ दशमलव ८६ प्रतिशतले घटेको हो ।
समितिका अनुसार एक महीनाअघि ११६ रुपैयाँ प्रतिकिलोग्राम मूल्य रहेको यस खुर्सानीको मूल्य मंगलवार प्रतिकिलोग्राम ६६ रुपैयाँ रहेको छ ।
कालिमाटी तरकारी बजारमा सुकेको खुर्सानीदेखि हरियो अकबरे, बुलेट, माछे लगायतको खुर्सानी पाइने गरेको छ । एक महीनाको अवधिमा सबैजसो खुर्सानीको मूल्य घट्दा खुर्सानी हरियो (माछे) को भने मूल्य बढेको छ ।
खुर्सानी हरियो (माछे) को मूल्य २४ प्रतिशतले घटेको समितिले जनाएको छ । समितिका अनुसार एक महीनाअघि ७६ रुपैयाँ प्रतिकिलोग्राम मूल्य रहेको यस खुर्सानीको मूल्य मंगलवार प्रतिकिलोग्राम ९५ रुपैयाँ छ ।
कुन खुर्सानीको मूल्य कति?
| खुर्सानी | मूल्य |
| खुर्सानी सुकेको | रू ४६५.०० |
| खुर्सानी हरियो | रू ५६.६७ |
| खुर्सानी हरियो (बुलेट) | रू ६६.६७ |
| खुर्सानी हरियो (माछे) | रू ९५.०० |
| खुर्सानी हरियो (अकबरे) | रू २२५.०० |
| भेडे खुर्सानी | रू ८६.०० |
सबै प्रतिक्रिया हेर्नुहोस
अहिलेसम्म कुनै प्रतिक्रिया छैन।