१० महीनामा ६ लाखभन्दा बढीले लिए श्रम स्वीकृति

काठमाडौं । चालु आर्थिक वर्षको १० महीनामा वैदैशिक रोजगारीमा जानका लागि श्रम स्वीकृति लिनेको संख्या ६ लाख नाघेको छ ।

वैदेशिक रोजगार विभागले बिहीवार (आज) सार्वजनिक गरेको मासिक तथ्यांक अनुसार चालू आर्थिक वर्षको साउनदेखि वैशाख मसान्तसम्म वैदेशिक रोजगारीका लागि ६ लाख ९ हजार ७०५ जनाले श्रम स्वीकृति लिएका छन् ।

गत वर्षको उक्त अवधिमा ६ लाख ५६ हजार ६०६ जना नेपालीले वैदेशिक रोजगारीका लागि श्रम स्वीकृति लिएका थिए । 

कुन महीनामा कतिले लिए ?

चालू आर्थिक वर्षको साउनमा ५५ हजार ५७५ जनाले श्रम स्वीकृति लिएका छन् । त्यसैगरी, भदौमा ५० हजार ८८४, असोजमा ५६ हजार २३५, कात्तिकमा ४३ हजार ६२२, मंसिरमा ७१ हजार २७६, पुसमा ६५ हजार ८१३ जनाले श्रम स्वीकृति लिएका छन् ।

महीना	संख्या
साउन	55575
भदौ	50884
असोज	56235
कार्तिक	43622
मंसिर	68201
पुस	65813
माघ	62147
फागुन	65658
चैत	70933
वैशाख	70637
कुल	609705

स्रोत : वैदेशिक रोजगार विभाग ।