१२ वर्षमा ९ ओटा जहाज दुर्घटना, २०५ जनाको मृत्यु

काठमाडौं । पछिल्लो १२ वर्षमा देशभर ९ ओटा जहाज दुर्घटना भएका छन् । २०६९ असोजयता सीता एयर, नेपाल एयरलाइन्स, टर्किस एयरलाइन्स, गोमा एयर, युएयस–बंगला, समिट एयर, तारा एयर, यती एयरलाइन्स र सौर्य एयरलाइन्सको विमान दुर्घटनामा परेका हुन् । 

उक्त अवधिमा विमान दुर्घटनामा परी २०५ जनाले ज्यान गुमाएका छन् । तीमध्ये २०७९ माघमा पोखरामा भएको यती एयरलाइन्सको जहाज दुर्घटनामा ज्यान गुमाउनेको संख्या धेरै छ । उक्त दुर्घटनामा चालक दलसहित ७२ जनाको निधन भएको थियो । 

यो अवधिमा भएको टर्किस एयरलाइन्सको दुर्घटनाबाहेक अन्य सबैमा यात्रुको ज्यान गएको थियो । 

१२ वर्षमा दुर्घटना भएका जहाज र त्यसमा ज्यान गुमाउने र घाइतेको संख्या 

मिति	कम्पनी	निधन भएका यात्रुको संख्या
२०८१ साउन	सौर्य एयरलाइन्स	१८
२०७९ माघ	यति एयरलाइन्स	७२
२०७९ जेठ	तारा एयर	२२
२०७६ वैशाख	समिट एयर	३
२०७४ फागुन	युएस–बंगला एयरलाइन्स	५१
२०७४ जेठ	गोमा एयर	२
२०७१ फागुन	टर्किस एयरलाइन्स	१ सामान्य घाइते
२०७० फागुन	नेपाल एयरलाइन्स	१८
२०६९ असोज	सीता एयर	१९

स्रोत : संस्कृति, पर्यटन तथा नागरिक उड्डयन मन्त्रालय ।