.jpg)
काठमाडौं । सांग्रिला डेभलपमेन्ट बैंक लिमिटेडले ४३ हजार १२६ कित्ता संस्थापक शेयर सर्वसाधारणका लागि विक्री खुला गरेको छ । फागुन २० गते तीन संस्थापक शेयरधनीहरूको नाममा रहेको उल्लेखित कित्ता शेयर विक्रीका लागि कम्पनीले सूचना जारी गरेको हो ।
यसअघि यी शेयर विक्रीका लागि विद्यमान संस्थापक शेयरधनीहरूमा ३५ दिने सूचना जारी गरी सकिएको जानकारी कम्पनीले दिएको छ । पहिलो चरणमा विद्यमान संस्थापक शेयरधनीहरूले खरीद नगरेपछि दोस्रो चरणमा अन्य व्यक्ति तथा संस्थाहरूमा यी शेयर विक्री गर्न लागिएको हो ।
इच्छुक खरीदकर्ताहरूले आगामी १५ दिनभित्र कम्पनीको केन्द्रीय कार्यालय बालुवाटार, काठमाडौंमा आवेदन पेश गर्न सक्नेछन् ।
सबै प्रतिक्रिया हेर्नुहोस
अहिलेसम्म कुनै प्रतिक्रिया छैन।