‘फाइभर होम रस’ सेवा ल्याएका छौं

अजिज श्रेष्ठ
प्रमुख, होम सेल्स, मार्केटिङ एण्ड प्रमोशन्स
भायनेट कम्युनिकेशन्स प्रालि

विगतका वर्षहरूदेखि नै लाखौं उपभोक्तासामु एकैपटक आफ्ना उत्पादनका बारेमा जानकारी दिने अवसरका रूपमा क्यान इन्फोटेक रहँदै आएको छ । यसले व्यवसायीलाई आफ्ना उत्पादनको राम्रो ब्राण्डिङ गर्न सघाउ मिलेको छ । साथै, उपभोक्ताका प्रतिक्रिया र सल्लाह–सुझाव सङ्कलन गरी नयाँ उत्पादनको विकासका लागि पनि मेला राम्रो प्लेटफर्म हो । हामीले विगतदेखिको यस्तै अन्तरक्रियाको माध्यमबाट ग्राहकको माग र आवश्यकता बुझ्दै उपभोक्तामाझ ‘फाइभर होम रस’ नामको नयाँ सेवा ल्याएका छौं । ‘स्पिड बुष्ट’ अर्थात् इण्टरनेटको गति आवश्यकताअनुसार बढाउन सकिने विशेषता यसमा छ । ‘फाइभर होम रस’ २ एमबीपीएसको डिफल्ट गति भएको इण्टरनेट सेवा हो । तर, उपभोक्ताले डाउनलोड, अपलोडलगायत गर्ने क्रममा तीव्र गतिको आवश्यता परेमा यसको गति समायोजन गरी १० एमबीपीएससम्म बढाउन सक्छन् । यसले गर्दा भिडियो, ठूला फाइललगायत सहजै डाउनलोड गर्न सकिन्छ ।

फाइबर अप्टिक्सलाई इण्टरनेटको भविष्यका रूपमा लिन सकिन्छ । हामीले सन् २०११ मा नेपालमै पहिलोपटक फाइवर अप्टिक्स प्रविधिबाट इण्टरनेट सेवा प्रदान गर्न शुरू गराका हौं । पहिलो चरणमा कर्पोरेट क्लायण्टहरूलाई यो प्रविधिबाट सेवा उपलब्ध गराएका थियौं । तर, विस्तारै घरघरमा समेत यही प्रविधिको मागमा वृद्धि हुन थाल्यो । यसपछि विगत ३ वर्षदेखि यो सेवा घरेलु प्रयोजनका लागि समेत उपलब्ध गराएका हौं । हाम्रा उपभोक्ताबाट सेवाबापत निकै सकारात्मक प्रतिक्रिया प्राप्त भइरहेका छन् । यही आधारमा पहिले ललितपुरमा मात्र सीमित हाम्रो सेवा अहिले काठमाडौंमा पनि विस्तार गरिसकेका छौं । आउने केही महीनामै सेवालाई भक्तपुरमा समेत विस्तार गर्ने हाम्रो योजना छ ।