कर व्यावहारिक नभएको गुनासो

अभियान संवाददाता

फिदिम । फिदिमका नगरवासीहरूले नगरपालिकाले निर्धारण गरेको कर व्यावहारिक नभएको गुनासो गरेका छन् । फिदिम नपाका २ सयभन्दा बढी उपभोक्ताले बुधवार संयुक्त रूपमा पत्रकार सम्मेलन गर्दै नगरपालिकाले निर्धारण गरेको करको दररेट वैज्ञानिक र व्यावहारिक नभएको बताएका हुन् । स्थानीय तह निर्वाचनमा मेयर पदका उम्मेदवारसमेत बनेका फिदिम–११ का राधाकृष्ण नेउपाने नेतृत्वको टोलीले पत्रकार सम्मेलन गर्दै नपाले निर्धारण गरेको करले उपभोक्तालाई मार परेकाले पुनरवलोकन गर्न माग गरेका छन् । नपाले तोकेको घरधुरी कर, सुर्तीजन्य वस्तु र मदिरामा लगाएको करसँगै विभिन्न शीर्षकका कर अवैज्ञानिक भएको उनीहरूको दाबी छ । सो कर पुनरवलोकन नभए बाध्य भएर आन्दोलनमा उत्रिने उनीहरूले बताएका छन् ।

प्रतिक्रिया [0]

पुरा नाम: *

इमेल: *

प्रतिकृया: *
पठाउनुहोस