कारोबारको अन्त्यमा स्थिर भयो नेप्से, परिसूचक १३५६.८२ विन्दुमा

अभियान संवाददाता

जेठ ६, काठमाडौं । साताको पहिलो दिन नेप्से घटेर बन्द भएको छ । यस दिन नेप्से परिसूचक शून्य दशमलव शून्य ३ प्रतिशत घटेर बन्द भएको छ । कारोबार शुरु भएदेखि तेस्रो घण्टासम्म बढेको बजार त्यसपछि घटेर बन्द भएको हो । १ हजार ३ सय ३९ दशमलव ९५ विन्दुबाट शुरु भएको कारोबार आधा घण्टामा १ हजार ३ सय ५६ दशमलव ८२ यस दिनको उच्च विन्दुमा पुगेको थियो । सो विन्दुमा अन्त्यसम्म टिक्न नसकि लगातार ओरालो लागेर अन्त्यमा शून्य दशमलव ४६ अङ्कले घटेर १ हजार ३ सय ३९ दशमलव १९ विन्दुमा पुगेर बन्द भएको छ ।

कारोबार भएका ९ समूहको परिसूचकमा लघुवित्त, बीमा, विकास बैङ्क र जलविद्युत् समूहको परिसूचक बढेको छ भने बैङ्किङ, होटल, उत्पादन तथा प्रशोधन समूह र ‘अन्य’ समूहको परिसूचक घटेको छ । वित्त समूहको परिसूचक स्थिर भएर बन्द भएको छ । कारोबार भएका १ सय ५९ कम्पनीको ३ हजार ९ सय ५६ पटकको व्यापारमा ७ लाख ६९ हजार ३ सय ३ कित्ता शेयरको रू. ३४ करोड ८२ लाख बराबरको शेयर कारोबार भएको छ । यस दिनको म्यानुअल कारोबार रू. १९ लाख ८५ हजार बराबर रहेको छ ।

मिर्मिरे माइक्रोफाइनान्स डेभलपमेण्ट बैङ्कको प्रतिकित्ता रू. ३ हजार १ सय २ मा रू. २ करोड ३६ लाख बराबरको सर्वाधिक शेयर कारोबार भएको छ । यस कम्पनीको शेयर मूल्य १० प्रतिशतले बढेको छ । साथै, सपोर्ट माइक्रोफाइनान्सको शेयर मूल्य ९ दशमलव ९२ प्रतिशलते बढेको छ भने हिमालयन डिष्टिलरीको शेयर मूल्य ३ दशमलव ५९ प्रतिशतले घटेको छ ।

प्रतिक्रिया [0]