अभियान संवाददाता
काठमाडौं । नेपाल उद्योग वाणिज्य महासङ्घका अध्यक्ष भवानी राणाले नेपालमा लगानीका लागि सार्क क्षेत्रका लगानीकर्तालाई आग्रह गरेकी छन् । भारतको नयाँ दिल्लीमा जारीे सार्क विकास कोषको साझेदारी सम्मेलन–२०१८ मा सहभागी राणाले नेपाल दक्षिण एशियामा लगानीका लागि उर्वर क्षेत्र रहेकाले पर्यटन, पूर्वाधार, जलस्रोत, कृषिलगायत क्षेत्रमा लगानी गर्न पर्याप्त अवसर रहेको जानकारी गराइन् ।
अध्यक्ष राणाले सदस्य राष्ट्रबीच सम्पर्क (जल, स्थल, हवाई) विस्तार, सहज आवागमन तथा सीमापार व्यापारमा पनि जोड दिइन् । सार्क सदस्य राष्ट्रका सरकारी तथा निजीक्षेत्रका प्रतिनिधि, नीति निर्माता, अर्थशास्त्री, सार्क सचिवालय, सार्क उद्योग वाणिज्य सङ्घको सहभागिता रहेको उक्त सम्मेलनको दोस्रो प्राविधिक सत्रमा सामाजिक शीर्षकअन्तर्गत गरीबी निवारण, मानव विकास, शिक्षा, स्वास्थ्य आदि क्षेत्रमा सह–वित्तीयकरणका लागि सम्भावित परियोजनाको पहिचान विषयक विशेष सत्रमा राणाले नेपालमा लगानीको सम्भावना रहेको बताइन् ।
आइफाडका एशिया प्रशान्त क्षेत्रीय अर्थशास्त्री फेब्रिजिओ ब्रेससिआनीको अध्यक्षतामा आयोजित सम्मेलनमा सह–वित्तीयकरणका लागि पर्यटन, साना तथा मझौला उद्यम (एसएमइज), कृषि, क्षेत्रीय प्रयोगशाला, ऊर्जालगायत सम्भावित क्षेत्रमा परियोजना प्रस्ताव गरिएको छ ।
महासङ्घ अध्यक्ष र सेसेल्सका राजदूतबीच भेटवार्ता
नेपाल उद्योग वाणिज्य महासङ्घका अध्यक्ष भवानी राणाले नेपालमा लगानीको लागि नयाँ दिल्लीस्थित पूर्वी अफ्रिकी राष्ट्र गणतन्त्र सेसेल्सका राजदूतलाई आग्रह गरेकी छन् । नयाँ दिल्लीमा सिसेल्सका राजदूत फिलिपे लगलबीच भएको द्विपक्षीय भेटवार्ताका क्रममा राणाले सो आग्रह गरेकी हुन् ।
सो अवसरमा नेपाल र सिसेल्सबीच व्यापार तथा लगानीका सम्भाव्यता विषयमा छलफल भएको नेपाल उद्योग वाणिज्य महासङ्घले जानकारी दिएको छ । अध्यक्ष राणाले दुवै पक्षबीच पर्यटन, मत्स्यपालनलगायत अन्य व्यावसायिक क्षेत्रमा लगानीको ठूलो सम्भाव्यता रहेको बताइन् । यस्तै, राणाले नवीनतम उपायद्वारा दुई देशबीचको पर्यटन क्षेत्रका सम्भाव्यता अध्ययन गर्न जोड दिइन् ।
भेटवार्तामा राजदूत फिलिपे लगलले नेपाली निजीक्षेत्रसँग भेटवार्ता गर्न पाएकोमा खुशी व्यक्त गर्दै नेपाल र सेसेल्सबीच निजीक्षेत्रका प्रतिनिधि संस्थाका माध्यमबाट आपसी सम्बन्ध विस्तार र सहकार्य गर्न सकिनेमा जोड दिए ।
अभियान संवाददाता
मन्दीको भविष्यवाणी गर्ने अच्चमका संकेत : 'भोड्का छोडेर लोकल रक्सी खान्छन्, कट्टु किन्दैनन् !'
पूँजी बजारमा लगानी भित्र्याउन ऐन कानूनमा सुधार गर्नुपर्छ : मुक्ति अर्याल [अन्तरवार्ता]
महशुल तिर्न नसक्दा विद्युत् लाइन काटियो, महिनौँदेखि पानीको समस्या भोग्दै मानेभञ्याङवासी
घोराही सिमेन्टको प्रिमियम मूल्यको आईपीओ : बजारले सबै शेयर किन्नेमा सन्देह
दुग्ध उद्योग स्थापनापछि बजार व्यवस्थापनमा सहज
जुट्ला लक्ष्यअनुसार २६२ अर्ब वैदेशिक सहायता ?
गर्मी बढेपछि पर्यटक पनि बढे, आम्दानीको गतिलो स्रोत बन्दै झरना
अस्पताललाई १० प्रतिशत शय्यामा निःशुल्क उपचार गर्न मन्त्री बस्नेतको निर्देशन
अर्थमन्त्रीले पहिलोपटक बजेटमा राखेको 'ट्रान्सफर प्राइसिङ' के हो ?
बैंकहरूलाई पूँजीकोषको दबाब : हकप्रद वा ऋणपत्रको विकल्पमा छलफल
नयाँ स्टक एक्सचेन्ज अहिलेको आवश्यकता हो ? 'नयाँ आउनुअघि नेप्सेको निजीकरण आवश्यक'
सम्पादकीय : सरकारमा बस्नेसँग विवेकको खोजी
टिप्पणी : बजेटप्रति निजीक्षेत्रको असन्तुष्टि
शेयर कारोबारको आम्दानीमा आयकर नलाग्ने, पूँजीगत लाभकर नै अन्तिम
बचत फिर्ता दिनुपर्ने सहकारी सञ्चालक नै आन्दोलनमा उत्रेपछि चौतर्फी आलोचना, 'आन्दोलन स्थगित'
.jpg "लगातार नयाँ रेकर्ड बनाउँदै सुनको मूल्य, तोलाको १ लाख १२ हजार ५०० रुपैयाँ")
