नेपाल उड इन्टरनेशनल एक्सपो पुस २३ गतेदेखि, १०० भन्दा बढी ख्यातिप्राप्त ब्राण्डका स्टल राखिने

अभियान संवाददाता

पुस २०, काठमाडौं । नेपाल उड इन्टरनेशनल एक्सपो तथा नेपाल इन्टरनेशनल फर्निचर एन्ड होम डेकोर एक्सपो  सातौं वर्ष पनि पुस २३, २४ र २५ गते काठमाडौंको भृकृटीमण्डपमा हुने भएको छ ।

मिडिया स्पेस सोलुसन्स प्रालि र फ्युचरेक्स ट्रेड फेयर एन्ड इभेन्ट्स प्रालिले संयुक्त रुपमा आयोजना गर्दै आइरहेको प्रदर्शनीमा विभिन्न देशका १०० भन्दा बढी ख्यातिप्राप्त ब्राण्डका स्टल रहने छन् ।

फनिर्चर, प्लाइउड तथा काठ औजारका कम्पनी, डिलर, सब-डिलर र विक्रेताहरुले काठ व्यवसायसँग सम्बन्धित उत्पादनहरुको बारेमा जानकारी गराउने र यस क्षेत्रमा आउने नयाँ–नयाँ प्रविधिको बारेमा जानकारी गराउन लागि यो प्रदर्शनी कोसेढुङ्गा सावित हुँदै आएको आयोजकले बताएको छ ।

उक्त प्रदर्शनीले नेपालको काठ तथा फनिर्चर क्षेत्रमा नयाँप्रविधिका सामान भित्र्याउने तथा विदेशमा सफलतापुर्वक प्रयोग भएका यस क्षेत्रका नयाँप्रविधिहरुलाई नेपाली बजारमा सजिलै उपलब्ध गराउन एउटा माध्यम बनाउने पनि आयोजकले बताएको छ ।

साथै  प्रदर्शनीले नेपालमा भइरहेका काष्ठ वस्तु उत्पादन सम्बन्धि कार्यहरुमा पनि सकारात्मक भुमिका निर्वाह गर्ने छ ।  आयोजकले प्रदर्शनी अवधिमा विभिन्न सेवामार्फत देशको आर्थिक कारोबार बढ्ने हुँदा रोजगार तथा आयआर्जनमा सहयोगी भइ दुई वर्षदेखि कोभिड - १९ ले थलिएको अर्थतन्त्रलाई चलायमान बनाउनसमेत सहयोग पुग्ने बताएको छ । 

प्रतिक्रिया [0]