ई –पेपर | विज्ञापन | ग्राहक बन्नुहोस | Podcast |
arthik abhiyan
Tvs Raider

महिला नेतृत्वको व्यवसायको उत्थानशील विकास परियोजना सम्पन्न

२०७९ बैशाख, ३०  
बजार
Image Not Found

काठमाडौं (अस) । महिला नेतृत्वको व्यवसाय तथा उपभोक्ता उत्थानशील विकास परियोजना सम्पन्न भएको छ । ठूलो डटकम र व्यवस्थापन, आर्थिक सुधार तथा लैंगिक समानताका लागि उद्यम (इमर्ज)ले मिलेर महिला उद्यमीहरूको सशक्तीकरणमा पहल गर्न उद्यमी उत्थान अभियान अन्तर्गत सो परियोजना शुरू गरेका थिए । यस परियोजनालाई अमेरिकी सहयोग नियोग (यूएसएड)को तयार नेपाल, सुधारिएको विपद् जोखिम व्यवस्थापन परियोजनाले सहयोग गरेको थियो ।

परियोजनाबाट प्राप्त नतीजाहरूबारे जानकारी दिन र यो सम्पन्न भएको घोषणा गर्न सन् २०२२ को मे ११ मा भर्चुअल र प्रत्यक्ष दुवै माध्यमबाट वर्कशपको आयोजना गरिएको थियो । कार्यक्रममा इमर्जकी सीईओ डा. मोना श्रेष्ठ अधिकारीले सहभागीहरूको स्वागत गरेकी थिइन् । यस क्रममा परियोजनाले उत्थानशील व्यवसाय निर्माण गर्न तालीम उपलब्ध गराएको, हितकारीलाई ठूलो डटकमबाट ई–कमर्श मञ्चहरूमा आबद्ध गराएको, वित्तमा पहुँच र व्यवसायको निरन्तरता एवं विस्तारका लागि आवश्यक जोखिम रकमको जोहो गरेको लगायत जानकारी पनि उनले दिएकी थिइन् ।

परियोजनाले व्यवसाय र उपभोक्तालाई विपद् जोखिम न्यूनीकरण व्यवस्थापनबारे वेबपेज र मोबाइल एपबाट सचेतना पनि जगाएको थियो । आफूले दिएको अनुदान कार्यान्वयनका लागि ठूलो डटकम र इमर्जसँगको सहकार्य महत्त्वपूर्ण रहेको यूएसएड अन्तर्गत तयार नेपालको चीफ अफ पार्टी त्यामी ह्यारिसले बताइन् ।

Aarthik Abhiyan Viber Community
प्रतिक्रिया [0]

   

Riddhi Siddhi Cement