ई –पेपर | विज्ञापन | ग्राहक बन्नुहोस | Podcast |
arthik abhiyan
Saurya cement (riddhi siddhi)

खर्च बढ्दा यस वर्ष नेपाल लाइफ १९ करोडभन्दा बढी नोक्सानीमा 

२०७९ बैशाख, ३०  
लगानी
Jagdamba Supershine Image Not Found
author avatar अभियान संवाददाता

वैशाख ३०, काठमाडौं । नेपाल लाइफ इन्स्योरेन्स कम्पनी लिमिटेड चालू आर्थिक वर्षको तेस्रो त्रैमाससम्म रू. १९ कोड ४५ लाखभन्दा बढी खुद नोक्सानीमा रहेको छ । 

गत वर्ष यस अवधिसम्म रू. ५० करोड ६६ लाखभन्दा बढी खुद नाफा गरेको कम्पनी यस वर्ष खर्च बढेसँगै नोक्सानीमा देखिएको हो । कम्पनीको आम्दानी गत वर्षभन्दा २७ दशमलव १८ प्रतिशत कम हुँदा खर्च रकम २०७ दशमलव ६५ प्रतिशत बढी भएको हो । 

गत वर्ष रू. ७४ करोड ६६ लाखभन्दा बढी आम्दानी गरेको कम्पनीले यस वर्ष रू. ५४ करोड ३६ लाखभन्दा बढी मात्र आम्दानी गरेको हो । त्यस्तै गत वर्ष रू. २३ करोड ९९ लाखभन्दा बढी मात्र खर्च गरेको कम्पनीले यस वर्ष रू. ७३ करोड ८२ लाखभन्दा बढी खर्च गरेको हो ।

तेस्रो त्रैमाससम्म कम्पनीले गत वर्षभन्दा ४ दशमलव २० प्रतिशत बढी कुल बीमाशुल्क आर्जन गरेको छ भने ३० दशमलव ६७ प्रतिशत बढी कुल दाबी भुक्तानी गरेको छ । गत वर्ष रू. २५ अर्ब ३७ करोडभन्दा बढी कुल बीमाशुल्क आर्जन गरेको कम्पनीले यस वर्ष रू. २६ अर्ब ४३ करोडभन्दा बढी आर्जन गरेको छ । त्यस्तै गत वर्ष रू. ७ अर्ब १४ करोडभन्दा बढी कुल दाबी भुक्तानी गरेको कम्पनीले यस वर्ष रू. ९ अर्ब ३३ करोडभन्दा बढी कुल दाबी भुक्तानी गरेको छ ।  

१४ प्रतिशत बोनस शेयर मार्फत चुक्तापूँजी वृद्धि गरी रू. ८ अर्ब २० करोड ७९ लाख ६६ हजार पु¥याएको कम्पनीको जगेडा कोष रकम यस वर्ष ६० दशमलव ३९ प्रतिशत कम रू. ४४ करोड ४९ लाख कायम भएको छ । 

जीवन बीमा कोष रकम गत वर्षभन्दा करीब २२ प्रतिशत बढी रू. १ खर्ब ३१ अर्ब १६ करोड २७ लाख पुगेको छ । तेस्रो त्रैमाससम्म प्रतिशेयर नेटवर्थ रू. ११४ दशमलव शून्य ३ रहेको छ ।

Neco insurance LimitedAarthik Abhiyan Viber Community
प्रतिक्रिया [0]

   

Jagdamba SupershineSunrise BankNepali PatroSaurya Cement (replace Riddhi Siddhi Cement)