ई –पेपर | विज्ञापन | ग्राहक बन्नुहोस | Podcast |
arthik abhiyan
Tvs Raider

इन्टेलका शेयरधनीहरुले पुन : अस्वीकार गरे शीर्ष अधिकारीहरुको सेवा सुविधा प्याकेज 

२०७९ जेठ, ३  
प्रविधि अन्तरराष्ट्रिय
Image Not Found

जेठ ३,  सन फ्रान्सिस्को (अमेरिका) । अमेरिकी चिप निर्माता कम्पनी इन्टेल कर्पोरेशनका शेयरधनीहरुले शीर्ष कार्यकारीहरुका सेवा सुविधा अस्वीकार गरेका छन् ।

हालै बसेको कम्पनीको शेयरधनीहरुको वार्षिक बैठकमा प्रमुख कार्यकारी अधिकारी (सीईओ) प्याट जेल्सिंगरलाई १७ करोड ८६ लाख डलर भुक्तानी दिने समेतको प्याकेज प्रस्ताव खारेज गरिएको हो । यसमा १० लाख डलरभन्दा धेरै तलब छ, १७ लाख ५० हजार डलर बोनस, १४ करोड डलरभन्दा धेरैको स्टक अवार्ड छ भने करीब ३ करोडको अप्शन अवार्ड छ । 

सो बैठकमा करीब १ अर्ब ७८ करोड मत कार्यकारीहरुको सेवा सुविधाको विरुद्धमा खसेको थियो । यद्यपि, सो मत मान्नै पर्ने बाधयता नभएको कम्पनीले बताएको छ । सेवा सुविधाको पक्षमा भने ९२ करोड १२ लाख मत खसेको थियो । आफूहरुले लगानीकर्ताको प्रतिक्रिया निकै गम्भीर रुपमा लिएको कम्पनीले एक विज्ञप्तिमा भनेको छ । 

सन् २०२१ मा कम्पनीका आम कर्मचारीको तुलनामा जेल्सिंगरले १ हजार ७०० भन्दा धेरै गुणा कमाएको मार्चमा कम्पनीको नियामक फाइलिङले देखाएको थियो । गत वर्ष पनि शेयरधनीहरुले कार्यकारीहरुको सेवा सुविधा प्याकेजको विपक्षमा बहुमत दिएका थिए । एजेन्सी

Aarthik Abhiyan Viber Community
प्रतिक्रिया [0]

   

Nepali PatroRiddhi Siddhi Cement
x