असार महीनामा ग्लोबल आइएमई समुन्नत योजना –१ १३ करोडभन्दा बढी नोक्सानीमा

अभियान संवाददाता

साउन १५, काठमाडौं । ग्लोबल आइएमई म्युचुअल फण्डअन्तर्गत सञ्चालित ग्लोबल आइएमई समुन्नत योजना –१ असार महीनामा नोक्सानीमा गएको छ । योजनाले सार्वजनिक गरेको असार मसान्तसम्मको वित्तीय विवरण अनुसार जेठ महीनामा रू. १३ करोड ५५ लाख नोक्सानीमा रहेको थियो भने असार मसान्तसम्म रू. १३ करोड ६४ लाख नोक्सानीमा रहेको छ ।

त्यस्तै जेठ  मसान्तसम्म प्रतिइकाइ खुद सम्पत्ति मूल्य (न्याभ) रू. ९ दशमलव ८० रहेको असार महीनामा घटेर रू. ९ दशमलव ७९ कायम भएको छ । 

फण्डको खर्चमा वृद्धिभएसँगै जम्मा नोक्सानी पनि बढेको छ । जेठ मसान्तसम्ममा जम्मा खर्च रू. २ करोड ९२ लाख रहेकोमा असार मसान्तसम्ममा बढेर रू. ३ करोड ९ लाख पुगेको हो । त्यसैगरी असार मसान्तसम्ममा फण्डको जम्मा नोक्सानी रू. १० करोड ५४ लाख रहेको  छ । जेठ महीनामा उक्त नोक्सानी रू. १० करोड ६२ लाख थियो । 

योजनाको सूचीकृत शेयरमा लगानी घटेको छ । जेठ महीनामा फण्डले रू ८५ करोड २६ लाख सूचीकृत शेयरमा लगानी गरेकोमा असार महीनामा यस्तो लगानी रू ७९ करोड २२ रहेको छ । योजनाले बैंक मुद्दती निक्षेपमा २० करोड लगानी गरेको छ ।
सूचना हेर्न यहाँ क्लिक गर्नुहोला

प्रतिक्रिया [0]