१५ लाख २३ हजारभन्दा बढीले भरे सयपत्री हाइड्रोपावरको आईपीओ, करीब २६ गुणा बढी शेयर खरीद माग

अभियान संवाददाता

साउन १७, काठमाडौं । सयपत्री हाइड्रोपावर कम्पनी लिमिटेडको आईपीओ खरीदका लागि अन्तिम दिन साउन १७ गतेसम्म १५ लाख २३ हजार ७०३ जनाले आवेदन दिएका छन् ।

सीडीएस एण्ड क्लियरिङ लिमिटेडले दिएको जानकारी अनुसार यी आवेदकहरूबाट १ करोड ७२ लाख ४५ हजार ८० कित्ता शेयर खरीद माग भएको हो । जुन मागभन्दा २५ दशमलव ७२ गुणा बढी हुन आउँछ ।

कम्पनीले प्रतिशेयर १०० रुपैयाँ अंकित दरको ६ लाख कित्ता शेयरहरूमध्ये आयोजना प्रभावित क्षेत्रका स्थानीय बासिन्दाको लागि निष्कासन गरी बाँकी रहेको १ लाख २१ हजार ६० कित्ता शेयरसमेत थप गरी जम्मा ७ लाख २१ हजार ६० कित्ता आईपीओ सर्वसाधारणमा वितरण गर्न लागेको हो ।

सर्वसाधारणमा जारी हुने कुल कित्तामध्ये ५ प्रतिशत अर्थात् ३६ हजार ५३ कित्ता शेयर सामूहिक लगानी कोषहरूलाई बाँडफाँट गरिएको छ भने २ प्रतिशत अर्थात् १४ हजार ४२१ कित्ता कर्मचारीको लागि छुट्याइएको छ । यीबाहेक बाँकी ६ लाख ७० हजार ५८६ कित्ता आईपीओ सार्वजनिक निष्कासनमार्फत विक्री गरिएको हो । कम्पनीको शेयर बिक्री प्रबन्धक एनआईबीएल एस क्यापिटल लिमिटेड रहेको छ । 
 

प्रतिक्रिया [0]