पवन प्रकृति इंग्लिस सेकेण्डरी स्कुलद्वारा एसईईमा उत्कृष्ट जीपीए ल्याएका विद्यार्थीहरू सम्मानित

अभियान संवाददाता

भदौ २५, काठमाडौं । ललितपुर जिल्लाको महालक्ष्मी नगरपालिका-५ अवस्थित  पवन प्रकृति इंग्लिस सेकेण्डरी स्कुलले एसईई २०७८ परीक्षामा उत्कृष्ट नतिजा  हासिल गरेका विद्यार्थीहरूलाई  सम्मान गरेको छ । 

शनिवार आयोजित एक समारोहमा स्कुलले एसईईमा फोर जीपीए ल्याउन सफल भएका रोशन ज्ञवालीलाई नगद ५० हजारसहित सम्मान गरेको छ ।

कार्यक्रममा बोल्दै महालक्ष्मी नगरपालिकाकी उपप्रमुख लक्ष्मी महर्जनले जिल्लामा संस्थागत विद्यालयले पुर्‍याएको अहम् भूमिकाको प्रशंसा गर्दै आगामी दिनमा नगरपालिकाको तर्फबाट रचनात्मक तरिकाले सहयोग तथा समन्वय गर्ने प्रतिबद्धता व्यक्त गरिन् । उनले शिक्षाको श्रीवृद्धिमा अहं भूमिका निर्वाह गरेको विद्यालयले आगामी दिनमा पनि यस्तै सराहनीय काम गरोस् भन्दै शुभाकामना समेत दिइन् । 

त्यसैगरी विद्यालयका प्रिन्सिपल उत्तरकुमार राईले देशमा समृद्धिको मुख्य आवश्यकता रहेको बताउँदै यसको परिपूर्ति शिक्षाबाट मात्रै सम्भव हुने बताए । शिक्षाको विकासमा गर्न सबै पक्ष एकजुट हुनुपर्ने आवश्यकता उनले औंल्याए । अभिभावक, समाजसेवी, छात्रछात्रा सहभागी उक्त कार्यक्रममा विविध कार्यक्रम सहित विद्यार्थीहरूले नृत्य पनि प्रस्तुत गरी सबैलाई मनोरञ्जन दिलाएका थिए ।

प्रतिक्रिया [0]