पिपुल्स हाइड्रोपावर आईपीओ बाँडफाँट, कतिले पाए शेयर ?

अभियान संवाददाता

काठमाडौं । पिपुल्स हाइड्रोपावर लिमिटेडको आईपीओ बाँडफाँट भएको छ ।  

विक्री प्रबन्धक सानिमा क्यापिटल बाँडफाँट भएको हो ।  कम्पनीको आईपीओमा ५ लाख १५ हजार ७८८ जनाले १० कित्ताका दरले शेयर पाएका छन् । उक्त आईपीओमा १२ लाख ३० हजार ६०५ जना आवेदकले आवेदन दिएका थिए । जसमध्ये ३ हजार ५४६ जना आवेदकको आवेदन रद्द भएको विक्री प्रबन्धकले जानकारी दिएको छ । 

कम्पनीले  कात्तिक २५ गतेदेखि २९ गतेसम्म सर्वसाधारणका लागि ५६ लाख ६ हजार ३९० कित्ता आईपीओ निष्कासन गरेको थियो । यो मध्ये २ लाख ८० हजार ३२० कित्ता सामुहिक लगानी कोष र १ लाख ६८ हजार १९० कित्ता शेयर कर्मचारीहरुका लागि छुट्याइएको थियो ।   

बाँकी ५१ लाख ५७ हजार ८८० कित्ताका लागि सर्वसाधारणले आवेदन दिन दिएका हुन ।  आवेदकले विक्री प्रबन्धकको वेबसाइट र मेरो शेयर एकाउन्टबाट आईपीओको नतिजा हेर्नसक्नेछन् । 

प्रतिक्रिया [0]