काठमाडौं । मकवानपुर क्षेत्र नम्बर १ मा राष्ट्रिय प्रजातन्त्र पार्टीका उम्मेदवार दीपकबहादुर सिंहले अग्रता बढाएका छन् ।
पछिल्लो मत परिणाम अनुसार सिंहले २५ हजार ६५ मत ल्याउँदा सत्ता गठबन्धनकी साझा उम्मेदवार महालक्ष्मी उपाध्याय डीनाले २४ हजार ३३० मत ल्याएकी छन् । उनीहरूबीच ७३५ मतको मतान्तर छ । यो क्षेत्रमा यस अघि डीनाले लगातार अग्रता लिएकी थिइन् ।
यस्तै एमालेको चुनाव चिन्ह लिएका कमल थापाले २३ हजार ७ सय १४ मत ल्याएर पछ्याइरहेका छन् । कमल थापाले हार स्वीकार्दै मत दिने मतदाता र चुनाव चिह्न दिने नेकपा एमालेलाई धन्यवाद दिइसकेका छन् ।