ई –पेपर | विज्ञापन | ग्राहक बन्नुहोस | Podcast |
arthik abhiyan
riddhi siddhi

‘तालिम नै नदिई प्रमाणपत्र बेचिन्छ’

२०७९ मंसिर, २०  
१० वर्ष अघि
Tvs Raider NA

वैदेशिक रोजगारीमा जाने कामदारलाई तालीम सञ्चालन गर्न स्वीकृति लिएका कतिपय संस्थाले तालीम नै नदिई प्रमाणपत्र बेचिरहेको रोजगार प्रवर्द्धन बोर्डका कार्यकारी निर्देशक स्थानेश्वर देवकोटाले बताएका छन् ।

तालीमका लागि ७ सय रुपैयाँ लागे पनि रू. १ हजार ५ सयदेखि २ हजारसम्ममा प्रमाणपत्र बेच्ने गरेको उनले बताए । ‘तालीम दिने संस्थाहरूले तालीम नै नदिई पैसाको भरमा प्रमाणपत्र बेच्ने गरेकाले नेपाली कामदारले विदेशमा गई दु:ख पाइरहेका छन्,’ देवकोटाले भने ।

वैदेशिक रोजगारीमा जाने कामदारले विभिन्न खालका दु:ख पाइरहेकाले तालीम दिइरहेकाहरूलाई नै सरकारले तालीम दिन शुरू गरेको छ । तालीम वैदेशिक रोजगार प्रवर्द्धन बोर्ड र आइएलओले संयुक्त रूपमा सञ्चालन गरेको वैदेशिक रोजगार प्रवर्द्धन बोर्डका निर्देशक मुकुन्द अधिकारीले बताए । ‘सरकारी लगानी र निर्देशनमा तालीम सञ्चालन भएको यो पहिलो हो,’ उनले भने । बोर्डले तालीम व्यवस्थापन र आइएलओले कार्यक्रमका लागि आवश्यक रकम उपलब्ध गराएको हो । यसअघि यो कार्य तालीम सञ्चालन गर्ने संस्थाको लगानीमा व्यावसायिक सीप विकास तालीम केन्द्र, प्राविधिक शिक्षा तथा व्यावसायिक तालीम परिषद्लगायतका संघसंस्थाले गर्दै आएका थिए । तालीम ४० जनाले लिएको बताइएको छ । तालीम रू. ६ लाखको लागतमा सञ्चालन गरेको निर्देशक अधिकारीले बताए ।

वर्ष ५ अंक २५, शुक्रवार १५ असोज, २०६७

Neco insurance LimitedAarthik Abhiyan Viber Community
प्रतिक्रिया [0]

   

TVCNepali Patro