ई –पेपर | विज्ञापन | ग्राहक बन्नुहोस | Podcast |
arthik abhiyan
riddhi siddhi

चीन–नेपाल रेलमार्गका लागि रसुवा नाका प्राथमिकतामा

२०७९ मंसिर, २३  
१० वर्ष अघि
Tvs Raider NA

प्रस्तावित चीन–नेपाल रेलमार्गका लागि तातोपानी नाकाभन्दा केरुङ–रसुवागढी नाका उपयुक्त देखिएको छ । यससम्बन्धमा चिनियाँ पक्षले गरेको प्रारम्भिक अध्ययनमा भौगोलिक कारणले सिन्धुपाल्चोकको तातोपानीभन्दा रसुवागढी भएर रेलमार्ग निर्माण सहज हुने देखिएको छ । तातोपानी नाका हुँदै रेलसेवा सञ्चालन गर्न भौगोलिक कारणले असम्भव देखिएकाले विकल्पका रूपमा रसुवा छानिएको जानकारी यातायात मन्त्रालयको उच्च स्रोतले दिएको छ ।

चीन सरकारले हालै शुरू गरेको नेपालतर्फ रेलमार्ग विस्तार पहिलेकै योजनाअनुरूप भएको नेपाल इन्टरमोडल यातायात विकास समितिका कार्यकारी निर्देशक शरदविक्रम राणाले बताए । चीनले हाललाई उक्त रेलमार्ग तिब्बतको दोस्रो ठूलो शहर सिगात्सेसम्म ल्याउने छ । सोका लागि चीन सरकारले करीब रू. १३ अर्ब ३० करोड चिनियाँ युआनसमेत विनियोजन गरिसकेको जानकारी केही दिनअघि मात्र सार्वजनिक भएको छ । अहिले सिगात्सेसम्म ल्याउन लागिएको सो रेलमार्ग पछि खासा हुँदै तातोपानी जोड्ने या केरुङ नाकाबाट रसुवागढीतर्फ लैजाने दुई विकल्प छन्, यीमध्ये भौगोलिक कारणले रसुवा उपयुक्त देखिएको छ । चीन सरकारले अहिले केरुङलाई समेत खासाजस्तै विकास गर्दै लगेका कारण पनि उक्त नाकाको सम्भावना अधिक भएको बताइएको छ । सिगात्सेबाट केरुङको दूरी करिब ७ सय ५० किलोमिटर छ तर, सिगात्से खासाको दूरी भने करिब ६ सय किमी मात्र छ ।

वर्ष ६, अंक २६, आइतवार, १७ असोज, २०६७ 

Neco insurance LimitedAarthik Abhiyan Viber Community
प्रतिक्रिया [0]

   

TVCNepali Patro