काठमाडौं । राष्ट्रिय प्रजातन्त्र पार्टी (राप्रपा)बाट पार्टी अध्यक्ष राजेन्द्रप्रसाद लिङ्देन उपप्रधानसहित ऊर्जामन्त्री बन्ने भएका छन् ।
पुष्पकमल दाहाल नेतृत्वको मन्त्रिमण्डलमा पार्टी उपाध्यक्ष विक्रम पाण्डेले सहरी विकास मन्त्री र अर्का उपाध्यक्ष ध्रुवबहादुर प्रधानले कानुन मन्त्रालयको जिम्मेवारी पाउने भएका छन् । यस्तै, दीपक सिंहलाई ऊर्जा राज्यमन्त्री बनाइन लागिएको छ ।
सत्ता गठबन्धनको भागबण्डामा राप्रपालाई ३ मन्त्री र १ राज्यमन्त्री दिने सहमति भएको थियो ।