काठमाडौं । संघीय संसद् सचिवालयले नेपाली कांग्रेसलाई प्रमुख विपक्षी दलको मान्यता दिएको छ । सचिवालयले सोमवार कांग्रेस संसदीय दलको कार्यालयलाई पत्र लेख्दै यस्तो जानकारी दिएको हो । कांग्रेस संसदीय दलका नेता शेरबहादुर देउवालाई विपक्षी दलको नेताको हैसियतमा सेवा सुविधा प्राप्त हुने जानकारी गराइएको छ ।
यसअघि कांग्रेसले संसद् सचिवालयमा विपक्षी दलको मान्यता दिएर सेवा सुविधा उपलब्ध गराउन पत्र पठाएको थियो ।