यूनियन लाइफ इन्स्योरेन्सको शेयर मूल्य समायोजन

अभियान संवाददाता

काठमाडौं । नेपाल स्टक एक्सचेन्जले यूनियन लाइफ इन्स्योरेन्स कम्पनीको शेयर मूल्य समायोजन गरेको छ ।

कम्पनीको ८ दशमलव ९७ प्रतिशत बोनस शेयरको समायोजनपछि मूल्य रू. ४७८ दशमलव ११ तोकेको छ । कम्पनीको अन्तिम शेयर मूल्य रू. ५२१ को आधारमा शेयर मूल्य समायोजन गरिएको हो । कम्पनीले साधारण सभा प्रयोजनको लागि माघ १६ गते बुक क्लोज गरेसँगै नेप्सेले आज शेयर मूल्य समायोजन गरेको हो ।

कम्पनीले आर्थिक वर्ष २०७७/७८ को मुनाफाबाट शेयरधनीलाई ८ दशमलव ९७ प्रतिशत बोनस शेयर वितरण गर्ने प्रस्ताव गरेको छ । यो प्रस्ताव पारितका लागि कम्पनीले माघ २६ गते साधारण सभा आयोजना गरेको छ ।

सभा टाइगर प्यालेस रिसोर्ट भैरहवा, रुपन्देहीमा बिहान १०ः३० बजे शुरू हुने कम्पनीले जानकारी दिएको छ । साथै सभाले यूनियन लाइफ इन्स्योरेन्स, प्राइम लाइफ इन्स्योरेन्स र गुराँस लाइफ इन्स्योरेन्स एक आपसमा मर्जरमा जाने प्रस्ताव पनि पारित गर्नेछ ।

प्रतिक्रिया [0]