नागरिकता लिएकै दिन रवि लामिछाने बने राष्ट्रिय स्वतन्त्र पार्टीको सभापति

अभियान संवाददाता

काठमाडौं । राष्ट्रिय स्वतन्त्र पार्टीले पार्टी सभापतिमा रवि लामिछानेलाई फर्काएको छ । आइतवार (आज) लामिछानेले नेपाली नागरिकताको प्रमाणपत्र लिएपछि बसेको पार्टीको केन्द्रीय समिति बैठकले उनलाई पुनः सभापतिको जिम्मेवारी दिएको पार्टी स्रोतले बताएको छ । 

रविले आइतवार नै जिल्ला प्रशासन कार्यालय, काठमाडौंमा पुगेर नेपाली नागरिकताको प्रमाणपत्र लिएका थिए ।

रविले अमेरिकी नागरिकता त्यागेपछि नेपाली नागरिकता लिने प्रक्रिया पूरा नगरेको भन्दै गत शुक्रवार सर्वोच्च अदालतले उनको सांसद पद खारेज गरेको थियो । यससँगै उनी रास्वपाको सभापतिबाट पदमुक्त भएका थिए । यस्तै, उनले उपप्रधान तथा गृहमन्त्री पदबाट पनि राजीनामा दिएका थिए । 

उनी सभापतिबाट पदमुक्त भएपछि पार्टीले डोरप्रसाद अर्याललाई कार्यवाहक सभापतिको जिम्मेवारी दिएको थियो । 

प्रतिक्रिया [0]