५० करोडभन्दा बढीको विद्युत् विक्री गरेको सानिमा माई हाइड्रोपावरको नाफा करीब ३३ करोड 

अभियान संवाददाता

काठमाडौं । सानिमा माई हाइड्रोपावर लिमिटेडले चालू आर्थिक वर्षको दोस्रो त्रैमाससम्म रू. ५० करोड ४९ लाखभन्दा बढीको विद्युत विक्री गरेको छ । गत वर्षको यसै अवधिसम्मको तुलनामा कम्पनीको विद्युत विक्री १२ दशमलव ४३ प्रतिशत कम भएको हो ।

गत वर्ष यस अवधिसम्म कम्पनीले रू. ५७ करोड ६५ लाखभन्दा बढीको विद्युत् विक्री गरेको थियो । यस वर्ष विद्युत् विक्री आम्दानी घटेसँगै कम्पनीको खुद नाफामा पनि कमि आएको छ । गत वर्ष रू. ३७ करोड १४ लाखभन्दा बढी खुद नाफा गरेको कम्पनीले यस वर्ष ११ दशमलव ३६ प्रतिशत कम रू. ३२ करोड ९२ लाखभन्दा बढी मात्र खुद नाफा गरेको हो ।

कम्पनीको वित्तीय खर्च गत वर्षभन्दा १३ प्रतिशत कम रू. ६ करोड ३६ लाखभन्दा बढी भएको छ । हाल रू. ३ अर्ब ८ करोड ९२ लाखभन्दा बढी चुक्तापूँजी रहेको कम्पनीको रिटेन्ड अर्निग रू. १ अर्ब ८८ करोडभन्दा बढी र जगेडा कोष रू. ५ अर्ब २८ करोडभन्दा बढी कायम भएको छ ।

कम्पनीको प्रतिशेयर आम्दानी रू. १० दशमलव ६६ र प्रतिशेयर नेटवर्थ रू. १७१ दशमलव १९ रहेको छ ।    

प्रतिक्रिया [0]