काठमाडौं । उपकार लघुवित्त वित्तीय संस्था लिमिटेडले चौंथो वार्षिक साधारण सभा फागुन १८ गते गर्ने भएको छ ।
साधारण सभा बाँकेको बैजनाथ-१ स्थित गाभर भ्याली सामुदायिक होमस्टेमा उक्त दिन बिहान १० बजे शुरु हुने कम्पनीले जानकारी दिएको छ । सभाले बम्पर लाभांश प्रस्ताव पारित गर्ने भएको छ । कम्पनीका अनुसार सभाले ६१ दशमलव ७५ प्रतिशत बोनस शेयर र करसमेत गरेर ३ दशलमव २५ प्रतिशत नगद लाभांश वितरण गर्ने प्रस्ताव पारित गर्नेछ ।
त्यस्तै सभाले गत आवको वार्षिक प्रतिवेदन, चालू आवको लेखापरीक्षणको लागि लेखापरीक्षकको नियुक्ति र निजको पारिश्रमिक निर्धारण गर्ने प्रस्ताव पनि पारित गर्नेछ ।
कम्पनीले साधारण सभा प्रयोजनको लागि फागुन ४ गते बुक क्लोज गर्ने जानकारी दिएको छ । बुक क्लोजको आधारमा फागुन ३ गतेसम्म कायम शेयरधनीले साधारण सभामा भाग लिन र लाभांश पाउनेछन् ।