तीन दिनमा ३ हजार १ सय रुपैयाँले बढ्यो सुनको मूल्य

काठमाडौ । सुनचाँदी बजारमा आज छापावाल सुनको मूल्य अघिल्लो कारोबार दिनको तुलनामा प्रतितोला ६ सय रुपैयाँले बढेको छ ।

 सुनको मूल्यले पछिल्लो ३ कारोबार दिनमा ३ हजार १ सय रुपैयाँले उकालो लाग्दै आज  १ लाख ४ हजार १ सय रुपैयाँ पुगेको छ ।

 नेपाल सुनचाँदी व्यवसायी महासङ्घले सार्वजनिक गरेको विवरणअनुसार आज तेजाबी सुनको मूल्य प्रतितोला रू एक लाख तीन हजार छ सय छ । 

त्यस्तै आज चाँदीको मूल्य अघिल्लो कारोबार मूल्यका तुलनामा प्रतितोला रू १० वृद्धि भई रू एक हजार दुई सय ५५ पुगेको महासङ्घले जनाएको छ । 

 महासङ्घलेअन्तरराष्ट्रिय बजारमा हुने सुन तथा चाँदीको कारोबार मूल्यका आधारमा यहाँ दैनिक सुन तथा चाँदीका मूल्य तोक्दै आएको छ ।     
  
 

प्रतिक्रिया [0]