भारतले नेपालबाट मात्र आयात गर्छ ९ प्रकारका वस्तु, 'मुलादेखि पिनासम्म निर्यात'

अभियान संवाददाता

काठमाडौं । भारतसँग नेपालको व्यापारघाटा उच्च रहे तापनि भारतले ९ ओटा वस्तु नेपालबाट मात्र आयात गर्ने गर्दछ ।

यसरी नेपालबाट मात्र आयात हुने वस्तुको निर्यातमा नेपालले विशेष ध्यान दिन सक्ने हो भने निर्यात व्यापारमा महत्वपूर्ण टेवा पुग्ने निश्चित छ ।

आर्थिक वर्ष सन् २०२१/२२ मा भारतले नेपालबाट मात्रै आयात गर्ने ती वस्तुहरू ५० करोड रुपैयाँ बराबरका वस्तु आयात गरेको छ ।

भारतले त्यसरी आयात गर्ने वस्तुहरूमा मुला, कालो चिया, झुसे तिल, चिराइतो, सालको फ्याट, रायो सर्स्युँको पिना,जुटका ब्लिच्ड फेब्रिक लगायतका वस्तु रहेका छन् ।

त्यस्तै पोलिस्टर स्ट्यापल फाइबरर भिस्कस रेयन यार्न लगायतका वस्तु पनि भारतले नेपालबाट मात्रै आयात गर्ने गरेको छ । यसरी नेपालबाट मात्रै आयात गर्ने सन २०२१/२२ मा भारतले ५० करोड ४३ लाख १९ हजार रुपैयाँ बराबरका वस्तु आयात गरेको भारतीय वाणिज्य विभागको तथ्याङ्क छ ।

स्रोत : वाणिज्य विभाग, भारत

प्रतिक्रिया [0]