स्थानीय सरकारसँग सहकार्य गर्दै काठमाडौं विश्वविद्यालय

धुलिखेल । समुदायसँग सम्बन्ध विस्तार गर्ने उद्देश्यले काठमाडौं विश्वविद्यालयले काभ्रेपलाञ्चोकका १३ ओटै स्थानीय तहमा स्थलगत भ्रमण तथा अवलोकन शुरू गरेको छ । समुदायका समस्या र आवश्यकता विश्वविद्यालयमा भएका प्राज्ञिक जनशक्तिमार्फत समाधान गरी समुदायको स्तरोन्नति गर्ने उद्देश्यले अभियान शुरू गरिएको हो । यसअन्तर्गत हालसम्म अधिकांश स्थानीय तहको भ्रमण सम्पन्न भइसकेको विश्वविद्यालय सामुदायिक सम्बन्ध विस्तार महाशाखाका निर्देशक किशोर खनालले बताए । रासस

प्रतिक्रिया [0]