काठमाडाै । नेपालको जनगणना २०७८ अनुसार नेपालको जनसंख्या २ करोड ९१ लाख ६४ हजार ५७८ पुगेको राष्ट्रिय तथ्यांक कार्यालयले जनाएको छ ।
प्रधानमन्त्री पुष्पकमल दाहालले शुक्रवार काठमाडौंमा आयोजित 'राष्ट्रिय जनगणना २०७८ नतिजा सार्वजनिक कार्यक्रम'मा नेपालको पछिल्लो जनगणनाको अन्तिम नतिजा सार्वजनिक गर्नुभएको हो ।
नेपालमा १ करोड ४२ लाख ५३ हजार ५५१ अर्थात् (४८.९८ प्रतिशत) पुरूष र १ करोड ४९ लाख ११ हजार २७ अर्थात् (५१.०२ प्रतिशत) महिला रहेको जनगणनाबाट देखिएको छ ।