काठमाडौं । राष्ट्रिय ध्वजा वाहक नेपाल वायुसेवा निगम (नेपाल एयरलाइन्स) ले यही जेठ २९ गतेदेखि भैरहवास्थित गौतमबुद्ध अन्तरराष्ट्रिय विमानस्थलमा नियमित उडान शुरू गर्ने भएको छ । सो अवसरमा निगमले मलेसियाबाट प्रवर्द्धनात्मक भाडादर रू. १२ हजार ७०० कायम गरेको छ । यो मलेसियाबाट भैरहवा उडानका लागि मात्र हो ।
‘नेपाल एयरलाइन्सले भैरहवा-मलेसिया र मलेसिया-भैरहवा-काठमाडौं रुटमा यही जेठ २९ देखि उडान शुरू गर्दै छ,’ निगमका प्रवक्ता रमेश पौडेलले जानकारी दिए, ‘मलेसिया-भैरहवा-काठमाडौंका लागि अत्यन्तै सस्तो शुल्कमा टिकट उपलब्ध गराएका छौं ।’
उनका अनुसार मलेसिया-भैरहवाका लागि रू. १२ हजार ७०० र मलेसिया-भैरहवा-काठमाडौंका लागि रू. १४ हजार ७२० भाडादर कायम गरिएको छ । निगमले मलेसियाको जोहोरबारुबाट क्वालालम्पुर अन्तरराष्ट्रिय विमानस्थलसम्म आवतजावत गर्न निकट भविष्यमै सटल बस (यात्रु ओसारपसार गर्ने बस) को व्यवस्था गर्ने उनको भनाइ छ ।
निगमको उडान तालिकाअनुसार टिकट बुकिङ खुला भइसकेको छ । भैरहवाबाट हाल निगमले साताको एक उडानबाट शुरू गर्ने र बजारको माग तथा निगमको बजार व्यवस्थापनअनुसार अन्य गन्तव्यमा समेत उडान गर्नेछ ।
राष्ट्रिय गौरवको आयोजनाअन्तर्गत निर्माण भएको गौतमबुद्ध अन्तरराष्ट्रिय विमानस्थलबाट उडान तदारुकताका साथ गर्नका लागि संस्कृति, पर्यटन तथा नागरिक उड्डयन मन्त्रालयसँगको समन्वयमा निगम व्यवस्थापनले विशेष पहल गरी उडान शुरू गर्ने निणर्य गरेको निगमले जनाएको छ ।
निगमका कार्यकारी अध्यक्ष युवराज अधिकारीसहितको टोलीले हालै गरेको मलेसिया भ्रमणमा सिभिल एभिएसन अथोरिटी मलेसियाका निर्देशकसँग मलेसियाबाट भैरहवा नियमित उडानसम्बन्धी विविध पक्षमा छलफल गरेको निगमले उल्लेख गरेको छ । -रासस
मन्दीको भविष्यवाणी गर्ने अच्चमका संकेत : 'भोड्का छोडेर लोकल रक्सी खान्छन्, कट्टु किन्दैनन् !'
पूँजी बजारमा लगानी भित्र्याउन ऐन कानूनमा सुधार गर्नुपर्छ : मुक्ति अर्याल [अन्तरवार्ता]
महशुल तिर्न नसक्दा विद्युत् लाइन काटियो, महिनौँदेखि पानीको समस्या भोग्दै मानेभञ्याङवासी
घोराही सिमेन्टको प्रिमियम मूल्यको आईपीओ : बजारले सबै शेयर किन्नेमा सन्देह
दुग्ध उद्योग स्थापनापछि बजार व्यवस्थापनमा सहज
जुट्ला लक्ष्यअनुसार २६२ अर्ब वैदेशिक सहायता ?
गर्मी बढेपछि पर्यटक पनि बढे, आम्दानीको गतिलो स्रोत बन्दै झरना
अस्पताललाई १० प्रतिशत शय्यामा निःशुल्क उपचार गर्न मन्त्री बस्नेतको निर्देशन
अर्थमन्त्रीले पहिलोपटक बजेटमा राखेको 'ट्रान्सफर प्राइसिङ' के हो ?
बैंकहरूलाई पूँजीकोषको दबाब : हकप्रद वा ऋणपत्रको विकल्पमा छलफल
नयाँ स्टक एक्सचेन्ज अहिलेको आवश्यकता हो ? 'नयाँ आउनुअघि नेप्सेको निजीकरण आवश्यक'
सम्पादकीय : सरकारमा बस्नेसँग विवेकको खोजी
टिप्पणी : बजेटप्रति निजीक्षेत्रको असन्तुष्टि
शेयर कारोबारको आम्दानीमा आयकर नलाग्ने, पूँजीगत लाभकर नै अन्तिम
बचत फिर्ता दिनुपर्ने सहकारी सञ्चालक नै आन्दोलनमा उत्रेपछि चौतर्फी आलोचना, 'आन्दोलन स्थगित'
