अभियान संवाददाता
काठमाडौं । नेपालको कुल ग्राहस्थ्र्य उत्पादन (GDP)मा ८१ प्रतिशत हिस्सा निजी क्षेत्रको योगदान रहेको एक अध्ययनले देखाएको छ । इन्टरनेशनल फाइनान्स कर्पाेरेशन (IFC)को सहयोगमा नेपाल उद्योग वाणिज्य महासंघ (FNCCI)ले गरेको अध्ययन प्रतिवेदनले उक्त कुरा देखाएको हो ।
उक्त प्रतिवेदनले निजी क्षेत्रले सिर्जना गरेको रोजगारी कुल हिस्साको ८५ प्रतिशत रहेको देखाएको छ । प्रतिवेदनमा देशभर कुल ५५ लाखले रोजगारी पाएको तथ्यांकसमेत उल्लेख छ ।
उक्त तथ्यांक समेटिएको अध्ययन प्रतिवेदन आज (बिहीवार) संघीय राजधानी काठमाडौंमा आयोजित ‘द स्टेट अफ प्राइभेट सेक्टर रिपोर्ट डिसिमिनेशन एण्ड डिसकसन’ कार्यक्रममा सार्वजनिक गरियो । उद्योग वाणिज्य तथा आपूर्ति मन्त्री रमेश रिजालले उक्त प्रतिवेदन सार्वजनिक गरे ।
प्रतिवेदन सार्वजनिक गरेपछि मन्त्री रिजालले निजी क्षेत्रको सुझावअनुसार सरकारले सुधार गर्ने प्रतिबद्धता व्यक्त गरे । ‘विभिन्न क्षेत्रको बारेमा थप जानकारी पाए यसलाई सम्बोधन गर्ने कुरामा आवश्यक नीति निर्माणको पहल गर्नेछु,’ उनले भने ।
उनले निजी क्षेत्रका गतिविधिमा संकुचन आएकै कारण राजस्व लक्ष्य पूरा नभएको बताए । ‘यसमा सरकार संवेदनशील छ,’ उनले भने ।
उनले निजी क्षेत्रसँगको सहकार्यबाट अहिले अर्थतन्त्रमा देखिएको समस्याको समाधान हुने बताए । 
उद्योग वाणिज्य महासंघका अध्यक्ष चन्द्रप्रसाद ढकालले यी तथ्यांकहरूले आफूहरू निकै उत्साहित भएको बताए । साथै उनले यस्तो अध्ययन अरु देशमा नभएको दाबी गरे ।
आर्थिक मन्दी छिट्टै हट्छ !
अध्यक्ष ढकालले देश आर्थिक मन्दीबाट छिट्टै बाहिर आउने विश्वास निजी क्षेत्रको रहेको बताए । ‘बाह्य क्षेत्र सन्तोषजनक रहेकाले मन्दीबाट छिट्टै बाहिर आउन सकिन्छ भन्ने निजी क्षेत्रको विश्वास छ,’ उनले भने ।
२८ हजारबाट ९ लाख उद्योग
उनले नेपालमा उद्योगको संख्या ह्वात्तै बढेको बताए । ‘निजी क्षेत्र संगठित हुनुअघि नेपालमा २८ हजार उद्योग थिए, अहिले ९ लाख पुगेका छन्,’ उनले भने ।
अपेक्षित आएन विदेशी लगानी
उनले नेपालमा अपेक्षा गरेअनुरूप विदेशी लगानी भित्रिन नसकेको बताए । ‘अहिले विदेशी लगानी अपेक्षित आउन सकेन, स्वदेशी लगानी उत्साहित छैन,’ उनले भने ।
सरकारी कम्पनी निजीकरण गर्ने कि ?
कार्यक्रममा उद्योग वाणिज्य महासंघका वरिष्ठ उपाध्यक्ष अञ्जन श्रेष्ठले सरकारी कम्पनी निजीकरण गर्न सरकारले सोच्नुपर्ने बेला आएको बताए । ‘सरकारी कम्पनी निजीकरण गर्नुपर्छ भन्ने आवाज उठिरहेको छ, सरकारले सोच्ने हो कि ?’ उनले भने ।
अन्तरराष्ट्रिय ब्रान्डको पर्फ्यूम विक्रेता इना ग्रुपको चौथो आउटलेट बबरमहल रिभिजिटेडमा
ऊर्जा उत्पादकहरूको छाता संस्था इप्पानलाई लाग्यो चुनावी रौनक, धेरैको चाहना 'सहमतिबाटै नेतृत्व'
कोर बैंकिङ प्रणालीको जोखिम न्यूनीकरणमा उदासीनता
दुग्ध उद्योग स्थापनापछि बजार व्यवस्थापनमा सहज
फेवाताल छेउका ‘गोल्ड म्यान’, जो सुनको काम गरेर होइन ठिंग उभिएरै पैसा कमाउँछन्
बैंकहरूलाई पूँजीकोषको दबाब : हकप्रद वा ऋणपत्रको विकल्पमा छलफल
बैंकहरूलाई पूँजीकोषको दबाब : हकप्रद वा ऋणपत्रको विकल्पमा छलफल
अमेरिकामा मन्दीको खतरा टरेको हो ? 'महीनामै साढे ३ लाख नयाँ रोजगारी, भेटे जति सबैलाई जागिर !'
'भरतपुर भ्रमण वर्ष'लाई लक्षित गरी ४ करोड लागतको 'कमल पोखरी पार्क' निर्माण गर्दै वडा कार्यालय
नारायणीमा नदीमा बढे पर्यटक, क्रुजसीपमै बसेर विवाह, व्रतबन्ध र पास्नीमा भोज
जुट्ला लक्ष्यअनुसार २६२ अर्ब वैदेशिक सहायता ?
भारतमा आरबीआईले ब्याजदर वृद्धि थाँती राख्यो
बर्खायाममा सडक सञ्चालन गर्न गोरखाको बारपाक सुलिकोट गाउँपालिकाले राख्यो सडक हेरालु
सरकारले कृषि बीमाको बक्यौता अनुदान रकम भुक्तानी गर्ने, बन्द गरिएको कृषि बीमा के होला ?
पर्यटकीय शहरमा ढकमक्क गुलमोहर [तस्वीर]
चितवनमा लम्पीस्किनबाट ८० गाईभैंसी मरे
सिटि होटलको आईपीओ सूचीकृत, कति पायो ओपन रेञ्ज ?
