तीन नम्बर पुलमा सुख्खा पहिरो जांँदा नारायणगढ मुग्लिन सडकखण्ड अवरुद्ध 

अभियान संवाददाता

चितवन । नारायणगढ मुग्लिन सडकखण्डमा सुख्खा पहिरो जांँदा उक्त सडक खण्ड अवरुद्ध बनेको छ ।

ईच्छाकामना गाउंँपालिका वडा नम्बर ६ स्थित तीन नम्बर पुलको माथिबाट सुख्खा पहिरो झर्दा बाटो अवरुद्ध भएको हो । 

जिल्ला ट्राफिक कार्यालय चितवनका प्रमुख राजकुमार तामाङ्गले सुख्खा पहिरो संँगै ठूलो ढुंगा खस्न लागेकोले बाटो दुईतर्फीनै बन्द गरिएको जानकारी दिए । ‘

'सुख्खा पहिरोपनि खसेको छ, माथि ठूलो ढुंगा अड्केकोले ढुंगा खसेपछि बाटो खुल्छ ।’ उनले भने । 

हाल प्रहरी नायब निरीक्षकको कमाण्डमा टोली खटाइएको र सडक विभागसँग समन्वय गरेर  लोडरले  पहिरो पन्छाउने कार्य भई रहेको उनले जानकारी दिए । 

प्रतिक्रिया [0]