काठमाडौं । आइजीआई प्रुडेन्सियल इन्स्योरेन्स लिमिटेडको प्रमुख कार्यकारी अधिकृत (सीईओ)मा युगेशभक्त बादे श्रेष्ठ नियुक्त भएका छन् ।
वैशाख २७ गते बसेको कम्पनी सञ्चालक समितिकोे बैठकले उनलाई सीईओमा नियुक्तिको सिफारिश गरी स्वीकृतिका लागि नेपाल बीमा प्राधिकरणमा पठाएको थियो । प्राधिकरणबाट जेठ ५ गते स्वीकृतिको पत्र प्राप्त भएको हो । जेठ ९ गते बसेको सञ्चालक समितिको बैठकमा श्रेष्ठले कम्पनीका अध्यक्ष हेमराज ढकालबाट शपथ ग्रहण गरी सीईओको जिम्मेवारी सम्हालेका छन् ।