मानुषी लघुवित्तको चौथो वार्षिक साधारण सभा जेठ ३२ मा, यी प्रस्ताव पारित हुने

अभियान संवाददाता

काठमाडौं । मानुषी लघुवित्त वित्तीय संस्था लिमिटेडले चौथो वार्षिक साधारण सभा जेठ ३२ गते गर्ने भएको छ ।

जेठ १० गते बसेको सञ्चालक समिति बैठकले साधारण सभा दिव्यश्वरी पार्टी प्यालेस एण्ड क्याटरिङ सर्भिस प्रालि मध्यपुर थिमी भक्तपुरमा गर्ने जानकारी दिएको हो । सभाले अन्य लघुवित्त वित्तीय संस्थासँग मर्जरमा जान उपयुक्त देखिएमा सम्पूणर् प्रक्रिया तथा कार्य गर्ने अख्तियारी पूर्ण रूपमा सञ्चालक समितिलाई दिने विशेष प्रस्ताव पारित गर्नेछ । 

सभाले प्रबन्धपत्र र नियमावलीमा नियमनकारी निकायबाट संशोधन वा परिवर्तन गर्न निर्देशन भएमा सोहीबमोजिम गर्ने अधिकार सञ्चालक समितिलाई प्रदान गरिने विशेष प्रस्ताव पनि अनुमोदन गर्नेछ । सभाले सर्वसाधारण शेयरधनीका तर्फबाट सञ्चालक समितिका नयाँ सदस्यको नियुक्ति तथा अनुमोदन गर्ने प्रस्ताव पारित गर्नेछ । 

त्यसैगरी सभाले आर्थिक वर्ष २०७८/७९को वार्षिक तथा लेखापरीक्षकको प्रतिवेदन स्वीकृत गर्नेछ । साधारण सभा प्रयोजनको लागि कम्पनीले जेठ १८ गते बुक क्लोज गर्ने जानकारी दिएको छ । यसको आधारमा जेठ १७ गतेसम्म कायम शेयरधनी साधारण सभामा भाग लिन योग्य हुनेछन् । 

सूचना हेर्न यहाँ क्लिक गर्नुहोस् 

प्रतिक्रिया [0]