प्रभु लाइफको पाँचौं वार्षिक साधारण सभा सम्पन्न, महालक्ष्मी लाईफसँगको मर्जर प्रक्रियालाई स्वीकृति  

अभियान संवाददाता

काठमाडौं । प्रभु लाइफ इन्स्योरेन्सको पाँचौं वार्षिक साधारण सभा शुक्रवार काठमाडौंमा सम्पन्न भएको छ । 

सभाले समूह ‘क’ संस्थापक समूहका शेयरधनीका तर्फबाट शिक्षा भट्टचन, मिजास भट्टचन, श्याम कृष्ण श्रेष्ठ र सुुुसन शेरचनलाई सञ्चालक समिति सदस्यमा निर्विरोध निर्वाचित गरेको छ । यस्तै, सभाले ९.८० प्रतिशत शेयर लाभांश र ०.५१ प्रतिशत नगद लाभांश (कर प्रयोजनको लागि) गरी जम्मा १०.३१ प्रतिशत लाभांश प्रस्ताव पारित गरेको छ । 

साधारण सभाले कम्पनीको सञ्चालक समितिको तर्फबाट अध्यक्ष सुभाष अमात्यले प्रस्तुत गरेको वार्षिक प्रतिवेदन पारित गरेको थियो । यस्तै, लेखापरीक्षकको प्रतिवेदन सहितको आर्थिक वर्ष २०७७÷७८ को वासलात, नाफा नोक्सान हिसाब, नगद प्रवाह विवरण लगायतका वित्तीय विवरणहरू समेत सभाले पारित गरेको छ । 

साधारण सभाले प्रभु लाइफ इन्स्योरेन्स र महालक्ष्मी लाईफ इन्स्योरेन्सबीच १ः१ शेयर अनुपातमा हुने मर्जर प्रक्रियालाई स्वीकृति प्रदान गरेको छ । साथै मर्जरपछि बन्ने कम्पनीको नाम प्रभु महालक्ष्मी लाइफ इन्स्योरेन्स लिमिटेड राख्न पनि स्वीकृति प्रदान गरेको छ । 

प्रभु लाइफले २०७४ मंसिर २८ देखि बीमा व्यवसाय कारोबार संचालन गर्दै आइरहेको छ । 

प्रतिक्रिया [0]