सुन प्रकरण : पूर्वउपराष्ट्रपतिका छोरा दिपेश पुनसँग सीआईबीको सोधपुछ

अभियान संवाददाता

काठमाडौं। विमानस्थलबाट अवैध रूपमा भित्रिएको ६० किलो सुन प्रकरणमा पूर्वउपराष्ट्रपति नन्दबहादुर पुनका छोरा दिपेश पुनसँग केन्द्रीय अनुसन्धान ब्युरो (सीआईबी)ले सोधपुछ गरेको छ । सुन प्रकरणको अनुसन्धान गरिरहेको सीआईबीले आइतवार उनीसँग पनि सोधपुछ गरेको हो । सुन तस्करी प्रकरणमा पक्राउ परेका चिनियाँ मूलका बेल्जियन नागरिक दावा छिरिङसँग पूर्वउपराष्ट्रपति र उनको परिवारको सम्पर्क रहेको सार्वजनिक भएपछि उनको छोरा दिपेशसँग पनि सोधपुछ गरी अनुसन्धानको दायरामा ल्याइएको बताइएको छ । सुन तस्करी प्रकरणमा उनको संलग्नता रहेको पुष्टि भएमा गिरफ्तार गरी अनुसन्धान अगाडि बढाइने सीआईबीले बताएको छ ।

प्रतिक्रिया [0]