भुटान एयरलाइन्सको काठमाडौं उडान भदौ ३० देखि सुचारु 

अभियान संवाददाता

काठमाडौं। भुटानको पहिलो निजी एयरलाइन्स, भुटान एयरलाइन्स (बि–३)ले काठमाडौं उडानलाई फेरि शुरू गर्ने भएको छ । उक्त एयरलाइन्सको नेपालको आधिकारिक जनरल सेल्स एजेन्ट सोसाइटी इन्टरनेशनल ट्राभल सर्भिसेसले यससम्बन्धी जानकारी दिएको हो । एयरलाइन्सले भदौ ३० गतेदेखि हरेक आइतवार, सोमवार, बुधवार, र शनिवार गरी हप्तामा चार पटक पारो–काठमाडौं–दिल्ली दुईतर्फी उडान गर्नेछ । कम्पनीले कोभिड–१९ महामारीका कारण काठमाडौं उडान रोकेको थियो । उसले सन् २०१३ देखि काठमाडौं उडानको शुरू गरेको थियो । 

प्रतिक्रिया [0]