यामाहा नेपालको ‘राइड टु मोटो जीपी’

अभियान संवाददाता

काठमाडौं। यामाहा नेपालले ‘राइड टु मोटो जीपी’ इभेन्टको घोषणा गरेको छ । यामाहा नेपालले १० जना यामाहा राइडरलाई आठदिने मोटरसाइकल यात्रामा काठमाडौंदेखि बुद्ध इन्टरनेशनल सर्किट, नोएडासम्म मोटो जीपी हेर्न भारत लैजाने भएको हो । यात्रा २०२३ सेप्टेम्बर २० मा काठमाडौंको नक्सालमा रहेको ब्लू स्क्वायरबाट शुरू भएर मोटो जिपीको प्रत्यक्ष अवलोकन गरी काठमाडौं फर्कने योजना छ । छानिएका यामाहा राइडरले मोटोजीपी इन्डियामा अभ्यास सत्र, क्वालिफायर हुँदै रेससम्मको अवलोकन गर्नेछन् । मोटोजीपी सेम्टेम्बर २२ देखि २४ सम्म भारतमा हुँदै छ । यामाहाका स्पोर्ट्स मोटरसाइकल र मोटोजीपीप्रति यामाहाका राइडरहरूको उत्साहलाई मनन गर्दै ‘राइड टु मोटो जीपी’ को इभेन्ट तयार गरिएको कम्पनीले जानकारी दिएको छ । जहाँ यामाहा राइडरले पहिलो चरणको दर्ताका लागि आफ्नो प्रारम्भिक विवरण पठाउन सक्ने बताइएको छ । यामाहाले दशजना राइडरको छनोट केही नियम र शर्तमा रहेर गर्ने जानकारी दिएको छ ।

प्रतिक्रिया [0]