म्याग्दी हाइड्रोपावरले नागरिक उर्जा बुटवललाई प्राप्ति गर्ने, प्रस्ताव पारितका लागि असोज १२ मा बोलायो साधारण सभा

अभियान संवाददाता

काठमाडौं । म्याग्दी हाइड्रोपावर लिमिटेडले नागरिक उर्जा बुटवल लिमिटेडलाई प्राप्ति गर्ने भएको छ । म्यादी हाइड्रोपावर लिमिटेडको १ कित्ता शेयर बराबर नागरिक उर्जा बुटवल लिमिटेडको १ कित्ता शेयर स्वाप रेसियो प्राप्तिका लागि तय गरिएको छ ।

प्राप्ति प्रस्ताव पारित गर्नका लागि कम्पनीले असोज १२ गते वार्षिक साधारण सभा बोलाएको छ । सभा काठमाडौंको बालुवाटारस्थित कम्पनी रजिष्टर्डको कार्यालयमा उक्त दिन बिहान ११ बजे शुरू हुनेछ । सभाले प्राप्ति गर्ने सम्बन्धमा सम्पूर्ण काम गर्ने जिम्मेवारी सञ्चालक समितिलाई दिने निर्णयसमेत गर्नेछ । 

यी प्रस्तावहरूसँगै सभाले गत आर्थिक वर्ष ०७९/८० को वार्षिक प्रतिवेदन सहितका वित्तीय विवरणहरू पनि पारित गर्नेछ भने चालू आर्थिक वर्षको लागि लेखापरीक्षक नियुक्ति र निजको पारिश्रमिक निर्धारणको विषय पनि टुङ्गो लगाउनेछ । 

प्रतिक्रिया [0]