१० वर्षअघिको आर्थिक अभियानबाट: एनआरएनको लगानी आउन पूर्वाधार निर्माण हुनुपर्‍यो

गैरआवासीय नेपाली (एनआरएन) हरूले लामो समयदेखि नेपालको शेयर बजारमा लगानी गर्न खुला गर्नुपर्ने माग गर्दै आएका थिए । अहिलेको बजेटले त्यो माग पूरा गरेको छ । ढिलै भए पनि सरकारले शेयर बजारमा एनआरएनको लगानी खुला गर्ने नीति लिएको छ । यसलाई सकारात्मक रूपमा लिनुपर्छ । अहिलेको नेपाली शेयर बजार ओरालो लागिरहेको छ । यस्तो अवस्थामा सरकारको निर्णयले यो बजार बढ्नसक्छ । एनआरएनलाई शेयर बजारमा लगानी गर्ने नीति लिनेबित्तिकै उनीहरूको लगानी शेयर बजारमा भित्रिन्छ भन्ने हुँदैन । एनआरएनले विदेशमा बसेर इन्टरनेटको माध्यमबाट कुन कम्पनीमा लगानी गर्ने भन्ने विषयमा निर्णय लिन्छन् । शेयर बजारमा सूचीकृत भएका कति कम्पनीहरूको वास्तविक विवरण इन्टरनेटमा उपलब्ध हुनुपर्छ । तर, कम्पनीको बारेमा खोजेको विवरण लगानीकर्ताले इन्टरनेटमार्फत नपाउने समस्या अझै पनि कायम छ । विदेशमा बसेर लगानी गर्दा यहाँको कम्पनीको अवस्था बारेमा जानकारी पाउने माध्यम नै इन्टरनेट हो । लगानी गर्ने कम्पनीको विवरण इन्टरनेटमा नपाउने हो भने कसरी एनआरएनले लगानी गर्नसक्छन् ? 

(गैरआवासीय नेपाली संघ, अन्तरराष्ट्रिय समन्वय परिषद्का सचिव तेन्जी शेर्पासँगको कुराकानीबाट)

वर्ष ६, अंक ६७ आइतवार, १२ मंसिर, २०६७

प्रतिक्रिया [0]