दूधकुण्डमा नेपाल लाइफको ‘नि:शुल्क प्राथमिक स्वास्थ्य शिविर’

अभियान संवाददाता

काठमाडौं। नेपाल लाइफ इन्स्योरेन्स कम्पनीले ४६३२ मिटर उचाइमा रहेको सोलुखुम्बुको प्रसिद्ध धार्मिकस्थल दूधकुण्डमा तीर्थयात्रीका लागि ‘नि:शुल्क प्राथमिक स्वास्थ्य शिविर’ सम्पन्न गरेको छ । नेपाल रेडक्रस सोसाइटी टाक्सिन्दु उपशाखासँगको सहकार्यमा कम्पनीले गत भदौ ११ देखि १४ गतेसम्म नि:शुल्क प्राथमिक स्वास्थ्य शिविर आयोजना गरेको हो । उक्त शिविरबाट ४२२ तीर्थयात्री प्रत्यक्ष लाभान्वित भएको कम्पनीले जानकारी दिएको छ । विशेषत: मेलामा टाउको दुख्ने, बान्ता हुने, शरीरका जोर्नी दुख्ने, श्वासप्रश्वासमा समस्या हुने जस्ता लक्षण भएका बिरामीको उपचार गरिएको बताइएको छ । 

प्रतिक्रिया [0]